РАНТ МҮШЕСІ НҰРАЛЫ БАҚЫТҰЛЫ АЛМАТЫ ҚАЛАСЫНДА УАҒЫЗ-НАСИХАТ ЖҮРГІЗДІ
ҚМДБ-ның уағыз-насихат бағыты бойынша бекітілген жылдық жоспарға сәйкес, Алматы қаласына «Һибатулла Тарази» мешітінің наиб имамы, РАНТ мүшесі Нұралы Бақытұлы іс-сапармен келді.
Іс-сапар барысында РАНТ мүшесі Алматы Орталық мешітінде жамағатқа «Екі дүниенің сардары – Мұхаммед» тақырыбында уағыз айтып, қасиетті Мәуліт айының мұсылман өміріндегі маңызына тоқталды.
Сондай-ақ Нұралы Бақытұлы «Әбу Ханифа» медресе-колледжінің 3-курс бітіруші түлектерімен келелі кездесу өткізді. Кездесу барысында білім алудың артықшылықтары, діни маманның қоғам алдындағы жауапкершілігі және болашақта ел игілігі жолында атқаратын қызметі жөнінде кеңінен сөз қозғады.
Іссапар жоспарына сәйкес, уағызшы «Нұр-Мүбарак» мешітінде ақшам намазынан кейін жамағатқа «Білім алу – әрбір мұсылманға парыз» тақырыбында насихат айтты. Жамағат пен университет шәкірттеріне ортақ тақырып қозғалып, білімнің адам өміріндегі маңызы мен діни білім алудың қажеттілігі түсіндірілді.
Жұма күніне сәйкес келген іссапар барысында Нұралы Бақытұлы «Әбу Ханифа» мешітінде жұма уағызын жүргізді. «Жат ағым – жарға жығады» тақырыбындағы уағызында жастарды діни сауаттылыққа, дәстүрлі ислам құндылықтарын ұстануға және түрлі теріс діни ағымдардан сақ болуға шақырды.
Іс-сапардың соңында Нұралы Бақытұлы Төле би мешітінде ақшам намазынан кейін жамағатқа «Сабыр» тақырыбында уағыз айтты. Уағыз соңында Маңғыстау жерінде қаза болған азаматтардың рухына Құран бағышталып, марқұмдарға дұға жасалды.
Тақырып бойынша жаңалықтар
Қызықты тақырыптар
Намаз уақыттары 
