«НАШАҚОРЛЫҚ - ҚҰРДЫМҒА КЕТІРЕДІ» ЖАМАҒАТҚА СЕМИНАР ӨТТІ
Әуезов аудандық Ақсай мешітінде жастар ісі секторының ұйымдастыруымен жастар арасында нашақорлықтың алдын алуға бағытталған «Нашақорлық – құрдымға кетіреді» атты тағылымды семинар өтті.
Іс-шараға Алматы қаласы Орталық мешітінің ұстазы Ердәулет Құдайбергенұлы спикер ретінде қатысып, жастарға нашақорлықтың адам өмірі мен қоғамға тигізетін зияны жөнінде кеңінен түсіндірді.
Ұстаз өз сөзінде нашақорлықтың қазіргі таңда әлем бойынша белең алып отырған күрделі әлеуметтік дерттердің бірі екенін атап өтіп, жастарды зиянды әдеттерден аулақ болуға, саналы өмір салтын ұстануға шақырды.
Сонымен қатар, жас ұрпақтың ой-санасы биік, жүрегі таза, болашағы жарқын болуы керектігін айтып, халқымыздың зиялы ақын-жазушыларының шығармаларынан тағылымды мысалдар келтірді.
Жастарды елге қызмет етуге, білім мен ізденіске ұмтылуға, уақытын тиімді пайдалануға және адамдық құндылықтарды биік ұстауға үндеді.
Семинар барысында жастар өздерін толғандырған сұрақтарын қойып, пайдалы мағлұматтар алды.
Аудан имамы Серікхан қажы Рымханұлы келген қонаққа ризашылығын айтып қорытындап семинарға қатысушыларға сәттілік тіледі.
Таза сана – жарқын болашақтың негізі.
Зиянды әдеттен аулақ болу – өз болашағыңа жасалған дұрыс таңдау.
Тақырып бойынша жаңалықтар
Қызықты тақырыптар
Намаз уақыттары 
