АЛМАТЫ: ӘЙЕЛ-ҚЫЗДАР СЕКТОРЫ ЖЫЛДЫҚ ЖОСПАРМЕН ТАНЫСТЫ
Бүгін 7 наурыз Орталық мешітте Алматы қаласының бас имамы Төлеби Дәділұлы Әйел-қыздар секторына жылдық жоспарды таныстырды.
Бас имам Алматы қаласы мешіттерінде қызмет жасап жүрген әйел ұстаздарға жылдық жоспарды таныстыру жиналысын өткізді. Жиналыста жылдық жоспар талқыланып, аудандық мешіт ұстаздарына тапсырмалар берілді. Алматы қаласында 23 ұстаз мешіттерде "Діни сауат ашу" курстарында қызмет етуде. Бұл курстарда 700-ге жуық әйел-қыздар дәріс алып жүр. Қазіргі қоғамда қыздарымыздың, аналардың имандылық сауаттылығы өте маңызды.
Мұхаммед пайғамбардан (оған Алланың салауаты мен сәлемі болсын) жеткен хадисте: «Барлық мұсылман ерлер мен мұсылман әйелдер білім алуға міндетті» (Бұхари), - дейді. Және тағы бір хадисте: «Білімге ұмтылу – әрбір мұсылманның міндеті» (Ибн Мажа) – деп, бұйырылған.
Мешіттердің жанында "Мейірімді, өнегелі әжелер ", " Инабатты қыз", " Асыл аналар" деген атпен клубтар ашылған. Бұл клубтардың негізгі мақсаты нәзік жандылар арасында дін мен дәстүр аясында ұлттық құндылықтарды дәріптеу болып табылады.
Жиналыс соңында қаланың бас имамы Төлеби Дәділұлы әйел ұстаздарға алдағы жоспарға сай қызметтеріне сәттілік тіледі.
Алматы Орталық мешітінің баспасөз қызметі
Қызықты тақырыптар
Намаз уақыттары 
.jpg)
.jpg)
.jpg)
.jpg)
