"ӘБУ ХАНИФА" ТҮЛЕКТЕРІНЕ ДИПЛОМ ТАБЫСТАЛДЫ
"Әбу Ханифа" медресе колледжінің бітіруші түлектері қорытынды емтихан тапсырып, диплом алды.
Айта кетсек, күні кеше қорытынды емтихан тапсырған «Әбу Ханифа» медресе колледжінің бітіруші түлектеріне дипломдар табысталды.
ҚМДБ наиб мүфтиі Кенжеәлі қажы Қоңыратбайұлы, Алматы қаласының бас имамы Төлеби Дәділұлы мен "Әбу Ханифа" медресе колледжінің директоры Құлмұхаммед Махамбет түлектерге дін жолында сәттілік тілеп, дипломдар табыстады. "Әбу Ханифа" медресе колледжін биылғы 2021-2022 оқу жылында 23 шәкірт аяқтады. Оның ішінде 3 бітіруші түлекке үздік қызыл диплом табысталды. ҚМДБ келісім-шартының негізінде 2 бітіруші түлек Түркияның Хасеки діни оқу орнына қабылданды. Ал білімін жалғастыруды көздеген 10 шәкірт Нұр-Мүбарак Египет Ислам университетіне оқуға тапсырушы абитурент қатарында. Ал 11 бітіруші түлек өңірлерде діни қызметке жолдама алуда. Іс-шара соңында ҚМДБ наиб мүфтиі Кенжеәлі қажы Қоңыратбайұлы барша бітіруші түлектерге дін жолында аянбай еңбек етуге шақырып, сәттілік тілеп ақ батасын берді.
Алматы Орталық мешітінің баспасөз қызметі
Қызықты тақырыптар
Намаз уақыттары 
.png)
