73 құдық, 43 көпір ел игілігіне берілді (ФОТО)
Халық даналығында: «Адамгершілікке арналған үш сауап бар:
Шөлге құдық қазған бір сауап,
Өзенге көпір салған бір сауап,
Жолға ағаш еккен бір сауап» деген сөз бар. Қайырымдылық – Қазақстан мұсылмандары діни басқармасының басты жұмыс бағыттарының бірі. Бүгінде қайырымдылық іс-шаралар облыстық және республикалық деңгейде ұйымдастырылып келеді.
Жыл басында Қазақстан мұсылмандары діни басқармасының құрылғанына 30 жыл толуына орай «30 жылдыққа – 30 игі шара» атты қайырымдылық жобасы бекітілген болатын.
Бас мүфти Наурызбай қажы Тағанұлының ұйытқы болуымен, аймақтағы имамдардың ыждаһатты жұмысы мен демеуші азаматтардың көмегімен еліміз бойынша 1 жылдың ішінде өңірдегі елді-мекендерде 73 құдық тұрғындардың игілігі үшін пайдалануға берілді. Сонымен қатар «30 жылдыққа – 30 игі шара» қайырымдылық жобасы аясында 43 көпір салынып, пайдалануға берілді.
Интересные материалы
Время намаза 
