АЛМАТЫ: ДІН ҚЫЗМЕТКЕРЛЕРІ ҚАЙЫРЫМДЫЛЫҚ МЕКЕМЕ ШӘКІРТТЕРІНЕ ДӘРІСТЕР БАСТАДЫ
![](/media/images/6229dfb0dd2b8.jpg)
Алматы қаласы Қарасу ықшам ауданындағы "Бөкентау" қайырымдылық мекемесінің шәкірттеріне Алатау ауданынының имам-ұстаздары дәріс өтуді бастады.
Алматы қаласының бас имамы Төлеби Дәділұлының бастамасымен екі жақты келісім-шарт негізінде қаладағы қайырымдылық мекемелерінің тәрбиеленушілеріне мешіт имамдары мен ұстаздары дәріс өтуді қолға алған болатын. Алатау ауданында орналасқан "Мырзахмет" мешітінің ұстаздары "Жібек жолы" қайырымдылық мекемелер қауымдастығына қарасты Қарасу ықшам ауданындағы "Бөкентау" қайырымдылық мекемесі шәкірттеріне дәрістер бастап жұмыс жүйесі жолға қойылды. Дәрісті аталмыш мешіттің Бас имамы Мәди Ахметов пен найб имам Бейсенбаев Дулат және Нысаналиев Нұрлан имам жүргізеді. Қайырымдылық мекеме шәкірттерінің жалпы саны 22 бала.
Алматы Орталық мешітінің баспасөз қызметі