«Таугүл-3» мешітіне 10 жыл
Кеше «Таугүл-3» мешітінің 10 жылдық мерей тойы мен Мәуліт мерекесі аталып өтілді.
Рухани, салтанатты шараға Алматы қаласының бас имамы Еркінбек қари Шоқай, қаланың аудан имамдары, «Таугүл-3» мешітінде бұрын қызмет еткен имам Орынбасар Дәуренбеков, Нұржан Дарқұлов және мешіт жамағаты қатысып, тіліктерін білдірді.
«Қасиетті Мәуліт мерекесі мен «Таугүл-3» мешітінің 10 жылдық мерей тойы құтты болсын! Алла Тағала игі істерімізді сауаптан жазсын. Жер-жерде сауапты да, салауатты іс-шара – мәуліт кешін ұйымдастыру жалғасын тауып келеді. Мұсылмандардың өміріндегі басты идеал болуы тиіс пайғамбардың (Алланың оған игілігі мен сәлемі болсын) өнегелі өмірі мен өсиетін, тағылымы толассыз ғибратты ғұмырын халқымызға насихаттау – баршаға ортақ игі іс. Бұл дінімізді насихаттаудың, жас ұрпақты имандылыққа, жақсы мінез-құлыққа шақырудың орайлы бір сәті», – деді бас имам Еркінбек қари Керімбекұлы.
Рухани кеште ғибратты жыр-термелер орындалып, тәрбиелік мәні мол уағыздар айтылды. Көз көрген ақсақалдар «Таугүл-3» мешітінің негізін қалаған Күлән Сайыпқызының өнегелі өмірі жайлы естеліктерімен бөлісті.
Ғаламдардың мақтанышы, адамзаттың ардақтысы, көркем мінездің өшпес үлгісі, сүйікті Мұхаммед Пайғамбарымыздың туған күніне орай ұйымдастырылған рухани шарада Пайғамбарымыз Мұхаммедке (Алланың оған игілігі мен сәлемі болсын) салауаттар оқылып, сәлемдер айтылды.
Шара соңында сөз алған «Таугүл-3» мешітінің бас имамы Камалжан Тұрдыбаев жиналған қауымға алғысын айтып, бата жасады.
«Шарапаты мол мәуліт мерекесі біздің халқымызға да құтты болсын! Осынау айтулы мейрамның аясында «Таугүл-3» мешітінің 10 жылдық мерей тойыда ұйымдастырылып отыр. Жаратушы Иеміз баршамызды жақсылықта, сауапты істерде, ел игілігі жолындағы жұмыстарда, берекелі басқосуларда жолықтырғай!»,-деді бас имам Камалжан Тұрдыбаев.
Кеш барысында қасиетті мешіттер мен «Таугүл-3» мешітінің тарихынан сыр шертетін кітаптың тұсауы кесілді.
«Таугүл-3» мешітінің баспасөз қызметі
Тақырып бойынша жаңалықтар
Қызықты тақырыптар
Намаз уақыттары 
.jpg)
.jpg)
.jpg)
.jpg)
