ОРТАЛЫҚ МЕШІТ ДІН ҚЫЗМЕТКЕРЛЕРІМЕН ТОЛЫҚТЫ
Алматы қаласының бас имамы Төлеби Дәділұлы жұма намазы қарсаңында жамағатқа Орталық мешітке жаңадан тағайындалған наиб имам мен азаншыны таныстырды.
ҚМДБ Төрағасы, бас мүфти Наурызбай қажы Тағанұлының бұйрығында Көптілеуов Бауыржан Қарашбайұлы Алмалы ауданы «Төле би» мешітінде ұстаздық қызметтен ауыстырылып, «Қазақстан мұсылмандары діни басқармасы» Республикалық Ислами діни бірлестігінің филиалы Алматы Орталық мешітіне наиб имам болып тағайындалсын делінген. Сонымен қатар Бауыржан Қарашбайұлы Бас мүфти бұйрығымен ҚМДБ «Зекет және қайырымдылық» қорының Алматы өкілдігі бойынша жауапты маманы етіп тағайындалғаны туралы жеткізілді.
Сондай-ақ ҚМДБ Төрағасы, бас мүфти Наурызбай қажы Тағанұлының бұйрығымен Бектұрғанов Баубек Бердіғалиұлы Бостандық ауданы «Бәйкен» мешітіндегі ұстаздық қызметінен ауыстырылып, «Қазақстан мұсылмандары діни басқармасы» Республикалық Ислами діни бірлестігінің филиалы Алматы Орталық мешітіне азаншы қызметіне тағайындалғаны туралы бұйрықты қаланың бас имамы Төлеби Дәділұлы жамағатқа жеткізді. Қос бірдей білікті дін қызметкерлерін таныстырып, «Хаққа қызмет - халыққа қызмет» жолында сәттілік тіледі.
Алматы Орталық мешітінің баспасөз қызметі
Қызықты тақырыптар
Намаз уақыттары 
.png)
