Жаңалықтар

Жаңалықтар Azan.kz жаңалықтары БАС МҮФТИ ТӨРАҒАЛЫҒЫМЕН РЕСПУБЛИКА КҮНІНЕ ОРАЙ КЕҢЕЙТІЛГЕН ЖИЫН ӨТТІ

БАС МҮФТИ ТӨРАҒАЛЫҒЫМЕН РЕСПУБЛИКА КҮНІНЕ ОРАЙ КЕҢЕЙТІЛГЕН ЖИЫН ӨТТІ

Бүгін Астана қаласында Қазақстан мұсылмандары діни басқармасында Бас мүфти Наурызбай қажы Тағанұлының төрағалығымен Республика күніне орай кеңейтілген жиналыс өтті.

Жиында Бас мүфти Наурызбай қажы Тағанұлы атаулы күннің ел өміріндегі мәні мен маңызына тоқталып, Қазақстан қоғамында ұлттық бірлікті, отаншылдық рухты және жас буынды елжандылыққа тәрбиелеуде діни басқарманың атқаратын рөліне тоқталды.

«Мемлекет басшысы Қасым-Жомарт Кемелұлы 2022 жылы Республика күніне ұлттық мереке мәртебесін берді. Міне, содан бері біз Республика күнін тойлап келеміз. Биыл бұл күн елімізде ұлттық мереке ретінде төртінші рет аталып өтеді. Атаулы күнге орай еліміздің түкпір-түкпірінде бірқатар мерекелік іс-шаралар өткізу көзделіп отыр. Бұл игі бастамалар жас буын өкілдерін отаншылдыққа баулиды», – деді Бас мүфти.

Сондай-ақ, жиын соңында кадрлық өзгерістер туралы хабарланды. Құжаттамалық қамтамасыз ету бөлімінің меңгерушісі Берікбол Жанақов өз өтініші негізінде аталған лауазымынан босатылып, ҚМДБ жанындағы Республикалық Бас мешітке ұстаз болып тағайындалды.

Сонымен қатар Құжаттамалық қамтамасыз ету бөлімінің жаңа меңгерушісі ретінде үш айлық сынақ мерзімімен Сағым Матқали тағайындалды.

ДЕРЕККӨЗІ muftyat.kz

ҚМДБ ресми сайты

Оқырмандардың пікірі (0)

Қызықты тақырыптар

ТӨТЕНШЕ ЖАҒДАЙДА ІС-ҚИМЫЛ БОЙЫНША СЕМИНАР ӨТТІ

Алматы қаласы Әуезов аудандық «Ақсай» мешітінде төтенше жағдайлар кезінде іс-қимыл жасау тақырыбында мешіт имамдарына арналған семинар өтті.

кеше 509 0

ОТБАСЫ ҚҰНДЫЛЫҒЫ - ҰЛТ ТӘРБИЕСІНІҢ НЕГІЗІ АТТЫ СЕМИНАР ӨТТІ

Әуезов аудандық Ақсай мешітінде әйел жамағатына «Отбасы құндылығы – ұлт тәрбиесінің негізі» тақырыбында тағылымды семинар өтті.

20.10.2025 342 0

«ПЕРЗЕНТ» БАЛАЛАР ҮЙІНЕ «ЕРЕКШЕ СЫЙ» ЖАСАЛДЫ

ҚМДБ «Зекет және қайырымдылық» қоры Алматы қаласы өкілдігінің ұйымдастыруымен Республикалық мүгедектер күніне орай «Перзент» балалар үйіне қайырымдылық жасады....

20.10.2025 596 0

АЛМАТЫ ИМАМДАРЫ ҚҰРАН ЖАРЫСЫН ТАМАШАЛАП ҚАЙТТЫ

Алматы имамдары Астана қаласында Республика күні мен Қазақстан мұсылмандары діни басқармасының 35 жылдығына орай ұйымдастырылған ІІ халықаралық Құран жарысын тамашалап қайтты....

17.10.2025 783 0