Жаңалықтар

Жаңалықтар Azan.kz жаңалықтары БАС МҮФТИ ҚҰРАНДЫ ӨРТЕУГЕ ҚАТЫСТЫ ҚМДБ ҰСТАНЫМЫН МӘЛІМДЕДІ (ФОТО)

БАС МҮФТИ ҚҰРАНДЫ ӨРТЕУГЕ ҚАТЫСТЫ ҚМДБ ҰСТАНЫМЫН МӘЛІМДЕДІ (ФОТО)

25.01.2023 1 477 0

Бүгін ҚМДБ Төрағасы, Бас мүфти Наурызбай қажы Тағанұлы Швецияда қасиетті кітабымыз Құран Кәрімді өртеу оқиғасына қатысты ҚМДБ ұстанымын мәлімдеді. Бас мүфти 100-ден астам мұсылман елдерінің мүфтилері мен ғалымдары басқосқан халықаралық онлайн конференцияға қатысып, өз ойын білдірді.

«Расында, кім Құранды құрметтесе Аллаға құрмет көрсеткен болып саналады. Ал Құранды кемсіткен адамның әрекеті Алланы кемсіткенмен тең. Демек, Құранды қорлаған адамды Құдайдың өзі қорлайды.

Шын мәнінде, Құранды сақтаушы да, қорғаушы да бір Алла. Бұл туралы қасиетті кітабымызда былай баяндалған: «Шүбәсіз, осынау зікірді (Құранды) Біз түсірдік және оның сақтаушысы да Өзіміз» («Хижр» сүресі, 9-аят).

Құранды өртеу – шектен шығудың ең үлкені. Ол өзінің сорақы әрекетімен бүкіл әлемге бүлік салып отыр. Құранды қорлаған, оны өртеген адамды Алланың әділ үкіміне тапсырамыз. Менің ойымша, ол осы өрескел әрекетімен өзінің адамға тән болмысын қорлады. Масқара ісімен өзі масқара болды!

Алла қаласа, алдағы жұма күнінде еліміз бойынша мешіттерде «Құранға құрмет» тақырыбында жұма уағызы айтылады. Расында, Құранға құрмет көрсеткен қоғам бақытты! Өйткені, Құран – екі дүние бақытына жетелейтін кітап. Алла Тағала баршамызға Құранды қос өміріміздің рухани шамшырағына айналдырғай. Әмин!» деді Наурызбай қажы Тағанұлы.

Халықаралық онлайн конференцияда сөз алған Түркия, Пәкістан, Судан, Малайзия, Палестина елдерінің дін ғұламалары және халықаралық ұйымдардың басшылары қасиетті Құранды өртеу ісін қатаң айыптады.

ДЕРЕККӨЗІ muftyat.kz

ҚМДБ ресми сайты

Оқырмандардың пікірі (0)

Қызықты тақырыптар

«ҚҰРАН - ЕКІ ДҮНИЕ НЫҒМЕТІ» РУХАНИ КЕШІ ӨТТІ

Алатау ауданына қарасты «Мырзахмет» мешітінде әйел-қыздар секторының ұйымдастыруымен «Құран- екі дүние нығметі» атты рухани кеш өтті.

25.01.2023 1 444 0

«ӘБУ БӘКІР» МЕШІТІНДЕ ХАЛАЛ ДАМУ ӨКІЛДЕРІ СЕМИНАР ӨТКІЗДІ

ҚМДБ Алматы қаласы өкілдігі, Наурызбай аудандық «Әбу Бәкір» мешітінде «Расында халал - белгілі, харам да - белгілі...» атты семинар болып өтті.

20.01.2023 1 267 0

АЛМАТЫ: «АНАЛАР АМАНАТЫ» ЖИЫНЫ ӨТТІ

Бүгін Қазақстан мұсылмандары діни басқармасы Алматы қаласы өкілдігі бойынша «Әйел-қыздар» секторының ұйымдастыруымен шаһардың ардақты аналары мен аяулы әжелері жиын өткізді....

18.01.2023 1 249 0