«АЖЫРАСУ - АЛЛА СҮЙМЕЙТІН ІС» ЖҰБАЙЛАРҒА СЕМИНАР ӨТТІ
Алматы Орталық мешітінде «Ажырасу-Алла сүймейтін іс» тақырыбында жас жұбайлармен кездесу, кеңес беру іс-шарасы ұйымдастырылды.
Семинарға белгілі отбасылық кеңес маманы Ақан Мергембай, спикерлер Орталық мешіттің наиб имамдары Бекзат Сыздықов пен Қуаныш Тоқсанбайұлы қатысты. Орталық мешітте неке қидырған біршама жұп жастар отбасылық мәселелер жөнінде кеңес алуға сұраныс білдірген. Кеңес беру семинарында отбасы құрудың маңызы, міндет болуы, жауапкершілігі, некенің берік болуы, ажыраспау үшін сыйластықта болу туралы кең көлемде ақыл-кеңестер айтылды.
«Ажырасуға шешім қабылдамас бұрын оның рұқсат етілгендердің арасында Аллаға ең ұнамсызы екенін есте ұстаған жөн»-деп атап өтті отбасылық маман Ахан Мергембай. Шара соңында жұбайлар тарапынан қойылған сұрақтарға тұшымды жауаптар берілді.
Алматы Орталық мешітінің баспасөз қызметі
Тақырып бойынша жаңалықтар
Қызықты тақырыптар
Намаз уақыттары 
.png)
