AZAN.KZ САЙТЫНЫҢ РАМАЗАН АЙЫНДАҒЫ КӨРСЕТКІШІ
ҚМДБ Төрағасы, Бас мүфти Наурызбай қажы Тағанұлының бастамасымен Ақпарат және қоғаммен байланыс бөлімі құрылып, сондай-ақ ақпарат саласының бүгінгі таңда өте өзекті екенін атап өткен болатын. Алматы өкілдігінің AZAN.KZ Ислам ақпараттық-ағарту порталы қасиетті Рамазан айында діни ақпарат таратуда халық игілігіне белсенді қызмет көрсетті.
Ақпараттық технологиялардың (АТ) дамуы қазіргі заманғы қоғамның барлық саласына үлкен әсер етуде. Экономика, білім беру, медицина, өнеркәсіп, көлік сияқты әртүрлі салалар ақпараттық технологияларды қолдану арқылы жаңарып, тиімділігі артуда. Әлемдегі өндіріс процестері автоматтандырылып, күнделікті өмірде де компьютерлер, смартфондар және интернетке негізделген құрылғылар арқылы жұмыс жасайтын технологияларсыз өмір сүру мүмкін емес. XXI ғасыр – ақпарат ғасыры деп аталады, өйткені ақпарат қазіргі қоғамның негізгі ресурсына айналды. Әлемнің кез келген нүктесінен қолжетімді деректер мен мәліметтерді алу, оларды өңдеу, сақтау және тарату бұрын-соңды болмаған дәрежеде жеңілдей түсті.
Қазақстанда діни мәлімет пен ақпарат, көкейдегі діни мәселе бойынша сұрақ-жауап та осы ақпараттық-ағарту сайттары мен Діни басқарамаға қарасты әлеуметтік желі парақшалары арқылы қол жетімді болып келеді. ҚМДБ Алматы өкілдігіне қарасты AZAN.KZ сайты қасиетті Рамазан айында көпшілік қолдануында алғашқы орынға шықты. Қосымша ақпарат таратуда инстаграм, фейзбук, телеграм және тик-ток желілері үздіксіз қызмет атқарды.
AZAN.KZ сайты бір айда 4 000 000 қаралым жинап, бұрын-соңды болмаған көрсеткішке жетті. Рамазан айына арналған кестенің өзі 600 000 рет жүктелген. 788 000 қаралым жиналды. CountZero көрсеткіші бойынша қытайлық DDoS ip мекен-жайының шабуылына қарамай Рамазан айының алғашқы күні 1-орынға шықты. Сайт жұмысы тоқтамай ай соңына дейін үздік 5-тікте және 10-дықтың қатарында болды. AZAN.KZ сайты тек рамазан айында қолданушылардың 2082 сұрағына жауап берді. Бір күнде рекордтық көрсеткішпен 219 000 қолданушы тіркелді. Ай бойында сайт қолданушылары 1 300 000 ды құрады. Статистика мәліметтеріне зер салсақ:
Қазақстан: 74%
- Алматы: 26%
- Астана: 8,85%
- Қарағанды: 6,3%
- Тараз: 5,7%
- Шымкент: 5,3%
- Павлодар: 3,6%
- Жезқазған: 2,6%
- Атырау: 1,5%
Ресей: 13,55%
Қырғызстан: 3%
Германия: 1,5%
АҚШ: 1,5% тұрғындары Рамазан айында діни мәлімет алу үшін AZAN.KZ Ислам ақпараттық-ағарту порталына жүгінген. Қазақ және орыс тілдерінде ақпарат тарататын AZAN.KZ сайтында мүфтият және Алматы өкілдігінің жаңалықтары, дәрістер топтамасы, діни және танымдық мақалалар, сұрақ-жауаптар мен видео роликтер, тақырыптық картинкалар жарияланды.
Рамазан айындағы өте жоғары көрсеткіш Алматы өкілдігі мен сайт ұжымының қажырлы еңбегінің нәтижесі.
Қызықты тақырыптар
Намаз уақыттары 
.jpg)
.jpg)
.jpg)
.jpg)
