Алматы қаласы мешіттері 25 мамырдан кейін ашылады (ФОТО)
17 мамыр. Алматы. Azan.kz – Алматы қаласындағы қонақүй кешендері, қоғамдық тамақтану орындары және құлшылық үйлері кезең-кезеңімен 25 мамырдан кейін жұмысқа қосылады деп қала әкімдігі хабарлады, деп хабарлайды zakon.kz сайтына сілтеме жасаған azan.kz тілшісі.
Қазақстан мұсылмандары діни басқармасы еліміздегі төтенше жағдайдың аяқталуына байланысты мешіттердің ашылатындығы жайлы хабарланған болатын. Дегенмен әр облыс пен аймақтардағы карантиндік деңгей әртүрлі болғандықтан, Алматы қаласының төтенше жағдайға байланысты штабының шешіміне орай, қаладағы эпидемиологиялық жағдайды ескере отырып, Алматы қаласындағы мешіттер 25 мамырдан кейін қызмет көрсетуді бастайды.
Осы мәлімдеме сәйкес, Алматы қаласының бас имамы Еркінбек Шоқай карантиннен кейінгі қала мешіттерінің ҚМДБ бекіткен ережерлер аясында ашылып, қызмет көрсетуін қадағалау және дайындық шараларын пысықтау мақсатында қала мешіттерін аралап көрді.
Бас имам қаладағы «Аманқұл ата», «Исмихан, «Түрксіб», «Әлмерек», «Ар-Рахим», «Мекке» мешіттерінің тыныс-тіршілігімен танысып, алдағы уақытта ғибадат үйлерінің жамағатқа карантиндік талаптарды сақтай отырып қызмет көрсету керектігін айтып, біршама түсіндіру жұмыстарын жүргізді.
Атап айтқанда, мешітке келген жамағат Құран оқытуға, неке қиюға және тек жеке намаз оқуға болады. Яғни, карантин талаптарын сақтау үшін жамағатпен оқылатын бес уақыт, жұма, тарауық намаздарына қатысты қойылған уақытша шектеулер өз күшінде қалып, жамағат намаздары оқылмайды.
Сондай-ақ, мешітке келген жамағат медициналық бетперде қолданып, тазалық шаралары мен қойылған талаптарды қатаң сақтауы тиіс.
Төменде төтенше жағдайдан кейін Қазақстан мұсылмандары діни басқармасының барлық мешіттерінде карантиндік талап бойынша атқарылатын іс-шаралар тізбесін ұсынамыз:
Мешіттерде жеке намаз оқуға қойылатын талаптар:
- Тек жекелеген түрде намаз оқуға рұқсат етіледі. Мешіттерде жамағатпен (бес уақыт намаз, жұма намазы, тарауық намазы) намаздар оқылмайды;
- Мешітке жеке құлшылыққа келген ерлер мен әйелдер ұзақ уақыт мешітте болмауы тиіс. Мешітте болу уақыт ұзақтығы – 15 минут;
- Намаз оқушылардың арақашықтығы 1,5 метр болуы керек және арнайы белгіленген орындарда намаз оқып, намаз оқып болған соң мешіттен бірден шығып кетуі тиіс;
- Мешітке келетін адам санын діни ғимараттың жалпы пайдалы ауданының 30 пайызынан артық толтырмауы керек; Мешітте қол алыспау керек;
- Мешіттерде ауа алмасу жүйесі жақсы жүру үшін барлық есіктерді ашып қою қажет;
- Әр 3 сағат сайын намаз оқитын залдарды залалсыздандыру жұмыстарын жүргізу қажет;
- Намаз оқитын залдарда имамдар және намаз оқитын адамдар міндетті түрде бетперде және медициналық қолғаппен жүруі керек; Жасы үлкен кісілер, денсаулығы нашар адамдар (ер және әйел) және жас балалар намаздарын үйлерінде оқығаны абзал;
- Мешіт дәретханаларын қолдану барысында арақашықтықты және сантитарлық талаптарды сақтауы тиіс;
- Мешіттің кіреберісінде тұрған антисептикалық құралдарды пайдалану қажет;
- Мешітке кіру бөлек есіктен және шығу бөлек есіктер арқылы болуы тиіс.
Мешітте Құран оқытуға қатысты талаптар:
- Құран оқыту бөлмесіне 10 адамнан артық кіргізбеу;
- Құран оқытуға келушілердің араларында 1,5 метр қашықтықтың сақталуы және келушілердің арнайы белгіленген орындарға отыруы;
- Құран оқитын бөлмелерде имамдар және келушілердің міндетті түрде бетпердемен отыруы;
- Гигиеналық талаптарға сәйкес бата жасау (бет сипау және т.б.);
- Әр 3 сағат сайын Құран оқитын бөлмені желдетіп отыруы;
- Құран оқитын бөлмеге кірмес бұрын антисептикалық құралдарды пайдалануы;
- Құран оқитын бөлмеге кіру бөлек есіктен және шығу бөлек есіктер арқылы болуы тиіс.
Неке бөлмелеріндегі іс-шараларға қатысты талаптар:
- Неке қиюға шариғат талаптарына сәйкес, неке бөлмесінде куәгерлерден басқа адамдар болмауы тиіс;
- Неке қиюшылардың аралары 1,5 метр қашықтықты сақтау және арнайы белгіленген орындарға отыру;
- Неке залдарында имамдардың және келушілердің бетперде және медициналық қолғаппен болу керек;
- Неке қиып болған соң бірден мешіттен шығуы керек;
- Неке қию бөлмесіне кіруден алдын антисептикалық құралдарды пайдалану қажет;
- Әр 3 сағат сайын неке залдарын залалсыздандыру қажет.
Алматы орталық мешітінің баспасөз қызметі
Қызықты тақырыптар
Намаз уақыттары 
.jpg)
.jpg)
.jpg)
.jpg)
