Жаңалықтар

Жаңалықтар Azan.kz жаңалықтары Алматы: «Орбита-3» мешітінде наиб имамдардың семинары өтті

Алматы: «Орбита-3» мешітінде наиб имамдардың семинары өтті

17.04.2019 7 057 0

Бостандық ауданына қарасты «Орбита-3» мешітінде, Әл-Фараби атындағы Қазақ Ұлттық университетінің «Айналаңды нұрландыр» шарасының аясында, осы университеттің Философия және саясаттану факультеті Дінтану және мәдениеттану кафедрасының доценті Мұхитдинов Рашит және 2-курс докторанты Мажен Ернардың ұйымдастыруымен Республика мешіттерінің наиб имамдарының қатысуымен, «Уағыз-насихаттағы заманауи әдістемелер мен жаңа шыққан пәтуалар» атты тақырыпта білім семинары өтті.

Бұл семинардың мақсаты – мешіт қызметкерлерінің, соның ішінде наиб имамдардың білім мен біліктілік деңгейін арттыру, жамағатпен көркем мәміледе қарым-қатынас жасау, сондай-ақ уағыз-насихаттағы заманауи әдістемелерді игеру және ҚМДБ-ның Ғұламалар кеңесінде қаралып, шариғат және пәтуа бөлімі шығарған жаңа үкімдермен танысу болды.

Шараны Бостандық ауданының бас имамы Әсет Аташев сөз сөйлеп ашып, кезекті ҚМДБ-ның Алматы қаласы бойынша өкіл имамы Еркінбек қари Керімбекұлына берді.

Өкіл имам өз сөзінде дін ісінің – мешіт имамдарына аманат екенін, бұл жүкті көтеру үшін шынайы ықылас пен ыждағаттылықтың керек екінін айтты. Сондай-ақ, бүгін ұйымдастырылып отырған шараның маңыздылығына тоқталып, имамдардың қоғамдағы рөлі мен діни қызметкердің міндеттеріне тоқталды.

Шараны ҚазҰУ-нің докторанты Ернар Мажен жүргізіп отырды.

Семинарда білікті мамандар дәріс оқып, өздерінің мол тәжірибелерімен бөлісті.

Атап айтқанда, Нұр-Мүбарак университетінің ұстазы Жүсіпбеков Жасұлан «Ханафи құқығындағы пәтуа мәселелесі» туралы айтса, аталмыш оқу ордасының тәлімгері Жамашев Азамат «Сахих хадистермен амал ету» жайында сөз қозғады. Ал, ҚМДБ-ның халал стандарттау бөлімінің қызметкері Бауыржан Әлиұлы ҚМДБ-ның жаңа шыққан пәтуалары туралы мағлұмат берді. Сондай-ақ, Д.Қонаев мешітінің бас имамы Күлсімақов Мейіржан уағыз-насихаттағы заманауи әдістемелердің қыр-сырын үйретті.

Сонымен қатар, қоғамдық даму басқармасының қоғамдық келісім бөлімінің басшысы Қабылбеков Самат «Сыбайлас жемқорлықтың алдын алудағы имамдардың рөлі» атты тақырыпта пікір алмасты.

Шара соңында өкіл имам семинарға қатысқан наиб имамдарға діни қызметте сәттілік тілеп, үлкен сеніммен білім сертификаттарын табыстады.

Р. Мұхитдинов, Е. Мажен

www.kaznu.kz

ДЕРЕККӨЗІ Azan.kz

Ислам ақпараттық-ағарту порталы

Оқырмандардың пікірі (0)

Қызықты тақырыптар

Алматы қаласы бойынша Құран жарысының іріктеу сайысы өз мәресіне жетті

Бүгін, ҚМДБ-ның Алматы қаласы өкілдігі ұйымдастыруымен, Құран Кәрімді жатқа және мәнерлеп оқу бойынша VIII республикалық Құран жарысының Алматы қаласы бойынша іріктеу сайысы "Бәйкен" мешітінде өз мәресіне жетті. ...

14.04.2019 6 652 0

Алматы: "Байкен" мешітінде VIII республикалық Құран жарысының іріктеу сайысы өтуде

13.04.2019 5 658 0

Алматыда бүлдіршіндер арасында ІІІ Құран жарысы өтті

ҚМДБ-ның Алматы қаласы өкілдігінің ұйымдастыруымен 2019 жылдың 6 сәуір күні бүлдіршіндер арасында ІІІ Құран жарысы Алматы қаласы Орталық мешітінде өтті.

08.04.2019 7 484 0

Алматы: Алланың көркем есімдерін жатқа айтудан жарыс өтті

Алматы қаласы Наурызбай аудандық «Абу-Бакр» мешітінде жамағаттар арасында Алланың 99 көркем есімін жатқа айтудан сайыс өткізілді.

01.04.2019 10 329 0

Алматы: «Мырзахмет» мешітінде қала көлемінде Наурыз аталып өтті

Өткен аптаның сенбі күні Алматы қаласы имамдары және мешіт жамағаттарының қатысуымен Алатау ауданы «Мырзахмет» мешітінде ұлттық-дәстүрлі сипатта Наурыз мерекесі кең көлемде аталып өтті....

01.04.2019 7 477 0

Алматы: "Абу Бакр" мешітінде 100 кітап оқу жобасының тұсаукесері өтті

Алматы қаласы Наурызбай ауданында «Жастар ісі» секторының ұйымдастыруымен «еліміздің 100 кітап оқу жобасы аясында айына 1 кітап оқу» сайысының тұсаукесері болып өтті....

28.03.2019 5 629 0