Алматы: "Байкен" мешітінде VIII республикалық Құран жарысының іріктеу сайысы өтуде
Бүгін, ҚМДБ-ның Алматы қаласы өкілдігі ұйымдастыруымен, Құран Кәрімді жатқа және мәнерлеп оқу бойынша VIII республикалық Құран жарысының Алматы қаласы бойынша іріктеу сайысы "Бәйкен" мешітінде өтуде.
Сайыс Құран Кәрімнің 30 парасын, 20 парасын, 10 парасын жатқа оқу және мәнерлеп оқу секілді 4 номинация бойынша ұйымдастырылып отыр.
Құран жарысын «Байкен» мешітінің наиб имамы, қари Жолдас Жетпісбаев Құран оқумен ашып берді.
Сайысты «Орбита-3» мешітінің наиб имамы Ернар Мәжен жүргізуде.
Жарыстың шымылдығын ашып беру үшін сөз кезегі, ең алдымен, ҚМДБ-ның Алматы қаласы бойынша өкіл имамы Еркінбек қари Керімбекұлына берілді. Өкіл имам өз сөзінде Құранның қадір-қасиеті мен бүгінгі ұйымдастырылып отырған Құран жарысының мән-маңызына тоқталып өтті. Сондай-ақ жарысқа қатысушы Алматы қаласының қариларына сәттілік тіледі.
Додалы жарысқа Алматы қаласы бойынша 67 үміткер қатысуда. Атап айтқанда, Құран Кәрімді жатқа оқу бойынша 30 параға – 6 үміткер, 20 параға – 6 үміткер, 10 параға – 27 үміткер, ал мәнерлеп оқу бойынша – 29 үміткер өзара бақ сынауда.
Жарыс жеңімпаздарын төрешілер бүгін сайыс соңында анықтайтын болады.
Алматы қаласы Орталық мешітінің баспасөз қызметі
Қызықты тақырыптар
Намаз уақыттары 
.jpg)
.jpg)
.jpg)
.jpg)
