Алматы: Алланың көркем есімдерін жатқа айтудан жарыс өтті
Алматы қаласы Наурызбай аудандық «Абу-Бакр» мешітінде жамағаттар арасында Алланың 99 көркем есімін жатқа айтудан сайыс өткізілді.
Ежелден шариғат жолдарымен таныс болған дүйім қазақ жұрты ұл тапса шүкіршілік етіп, есімнің қоярда құдайдың құлы, пендесі ғой сол Құдайдың өзі қорғанына алсын деген ниетпен Алланың 99 көркем есімдерінің алдына «Абду» (құл) деген жұрнақты жалғап Абдурахман, Абдусамат, Абдуғани деген есімдерді қойған. Атадан қалған бұл дәстүр күнімізге дейін қолданылып жалғасын табуда.
Осы есімдерді өз перзеттеріне жаттауға үгіттеген бабаларымыздың парасаттылығын жаңғырту мақсатында «Абу-Бакр» мешітінің имамдары мешіт жамағаттары арасында «Алланың 99 көркем есімін жатқа айту» сайысын ұйымдастырды. Жарыста Алла есімдерінің арабша және қазақша мағыналарын айтқандардан бірінші, екінші, үшінші орындарды иеленгендерге, қасиетті жұмаға жиналған жамағат алдында, арнайы сыйлықтар табысталды.
Наурызбай ауданының Бас имамы Ахметов Мәди жиналған жамағатқа бұл сайыстың артықшылық тұстарын былайша жеткізді:
«Қасиетті Құранның Ағаф сүресінің 180-аятында «Ең жақсы атаулар Аллаға тән. Оған сол аттармен жалбарыныңдар», ал Пайғамбарымыз Мұхаммедтің (с.ғ.с.) «Алланың тоқсан тоғыз есімі бар. Кім оларды жаттап алса жәннатқа кіреді» дегеніндей, бұлай дұға ету – үлкен сауапты істерден болып табылады. Олай болса, ұлы құдіретті Алланың ұлық есімін жадымызда ұстап, мағынасын түсініп, үнемі айтып жүрейік. Өйткені, барлық мақтау жалғыз Аллаға ғана тән».
Айдос БЕРДИБЕКОВ,
«Абу-Бакр» мешітінің наиб имамы,
Наурызбай ауданы.
Қызықты тақырыптар
Намаз уақыттары 
.jpg)
.jpg)
.jpg)
.jpg)
