КОСМЕТИКАЛЫҚ ӨНІМДЕРДІ ПАЙДАЛАНУҒА БОЛА МА?
Косметика деп тазалық пен сыртқы көрінісі жағынан сыртқы түрін жақсарту үшін қолданылатын өнімдерді айтады. Ол әдетте жергілікті қолдануға, яғни шашқа, теріге, тырнаққа және ерінге арналады.
Ежелден адам баласы, әсіресе әйелдер қауымы сыртқы келбетін жақсартуға, теріні күтуге ерекше мән берген. Ілгері уақытта адамдар бетін, кірпігін, қабағын бояп, шашын бұйралап, әтірлердің орнына хош иісті майларды пайдаланған. Олар құрамына қазіргідей мал және өсімдік майлары, эфир майлары, түрлі шайырлар мен бояулар енгізілген хош иісті майларды әтір орнына қолданған.
Шариғат бойынша төмендегі шарттар табылған жағдайда ғана әйелдерге косметикалық бұйымдарды қолдануға рұқсат беріледі:
- Косметиканы күйеуіне сұлу көріну үшін немесе әйелдер мен жақын туыстарының алдында әдемі көріністе болу үшін қолдану дұрыс. Бірақ бөгде ер адамдардың алдында жасанып, боянып жүруге рұқсат берілмейді. Өйткені әйел кісі бөгде ер адамдардың алдында барынша жабық, оранған хәлде болу керек. Демек мұндай кезде әйел адам қалай боянып жүре алады?!
- Косметикаға қолданатын бұйымдар қына (қызыл сары өсімдік бояуы), сүрме секілді таза зат болу шарт. Өліксенің майын немесе нәжіс нәрсені қолдану дұрыс емес. Себебі шариғатымыз нәжіс және харам заттарды, сондай-ақ адам мүшесін қолданудан қайтарған.Сондықтан еті желінбейтін құстар мен жануарлардың ақуызы, әсіресе шошқа майы мен ақуызы және әйелдің ұрықжолдасы (жүктілік кезінде жатыр ішінде дамитын, ана мен жатыр қуысындағы нәресте арасындағы байланысты қамтамасыз ететін маңызды мүше) қосылған косметикалық өнімдерді пайдаланбау керек.
- Косметикалық заттар тән мен теріге зиянды болмауы тиіс. Сол сәтте немесе кейіндеу зияны тиетін химиялық өнімдерді пайдалану дұрыс емес. Себебі шариғатымыз өзіне зиян жеткізуден қайтарған. Оған Пайғамбарымыздың (оған Алланың салауаты мен сәлемі болсын) «Өзіне және өзгеге зиян жеткізуге болмайды» деген сөзі дәлел (Ибн Мәжа).
- Косметикалық заттардың денеге әсері уақытша болуы шарт. Өйткені ернін ісіндіру, бетін тым тарту, тәнінде тұрақты қалатындай тату салу, терінің түсін өзгерту секілді Алла Тағаланың әуелдегі жаратылысын өзгерту күнә болып саналады.
 Предыдущий |
Следующий |
| ӘКЕ БАТАСЫМЕН ҰРПАҚ КӨГЕРЕДІ | СҮНДЕТКЕ ОТЫРҒЫЗУ САЛТЫ |
Интересные материалы
Дәлел дегеніміз не? Қазіргі таңда тек қазақ елінде ғана емес, басқа да мұсылман елдеріндеТәшаддуд (дінді ауырлатып көрсетушілер) мектебінің әсері көрінеді, яғни дінді белгілі бір тармақтарға шектеп, қиындататындар фиқһтың екі анықтамасының екіншісінен бейхабар қалды немесе оған мән берген жоқ....
Қазақстан мұсылмандары діни басқармасы Ғұламалар кеңесінің шешімі бойынша биткоин криптовалютасын қолдануға тыйым салынған. Оған төмендегідей дәлелдер келтірілген....
Шахмат ойынына қатысты үкім, оның құмар немесе құмар еместігіне тікелей байланысты. Ал ғалымдар әрқандай құмар ойынының тыйым салынғанына бірауыздан келіседі. Өйткені Құран Кәрімде: «Олар сенен арақ және құмар жайында сұрайды. Оларға: «Екеуінде де зор күнә бар. Адамға пайдасы бола тұра, пайдасынан к...
Негізінде әр адам баласы өзінше сұлу, ерекше әдемі жаратылыс. Алла Тағала Құранда: «Шүбәсіз, Біз адам баласын ең көркем, ең керемет бейнеде жараттық», – деген («Тин» сүресі, 4-аят)....
InCruises ‒ онлайн бизнес түрі, ол су транспорты арқылы саяхаттау кезінде бірнеше елді, қаланы аралап шығу дегенді білдіреді. Қазіргі таңда круиздық саяxат әлемде мықты дамып келе жатыр. Круиздық лайнердің ішінде адам тұрмысына қажетті жағдайдың барлығы жасалған. Оған қолжетімді бағамен алдын ала ақ...
Әрбір адам денсаулығына жете мән беруі керек. Ал, жұқпалы індеттің алдын алу үшін ол барлық сақтық шарасын көруге міндетті. Өйткені, Алла Тағала Құран Кәрімде адамзат баласына: وَلَا تُلْقُوا بِأَيْدِيكُمْ إِلَى التَّهْلُكَةِ ۛ «Өз бастарыңды қауіп-қатерге тікпеңдер»[1], – деп ескерту жасаған. Бұл к...
Время намаза 
