Жаңалықтар

Жаңалықтар Azan.kz жаңалықтары Алматыда VIII республикалық Құран жарысы қызу өтуде

Алматыда VIII республикалық Құран жарысы қызу өтуде

26.04.2019 7 360 0

Бүгін, ҚМДБ-ның ұйымдастыруымен Құран Кәрімді жатқа және мәнерлеп оқу бойынша VIII республикалық Құран байқауы Алматы қаласы Орталық мешітінде еліміздің 19 өңірінен келген 69 қаридың қатысуымен қызу өтуде.

Бұл додалы жарысқа, негізінен, 19 сәуірге дейінгі Республикалық іріктеу сайыстарында бақ сыныған 558 қаридың ішінен суырылып шыққан хас тарлан қариларымыз Құран оқып жарысуда.

Республикалық байқаудың шымылдығын былтырғы өткен VII республикалық Құран жарысында мәнерлеп оқу номинациясы бойынша І орын жүлдегері атанған Көкшетаулық Тәкен Тұрдақынұлы Құран оқумен ашып берді.

Ең алдымен, ҚМДБ-ның Аппарат басшысы Ғылымбек Мәжиев кіріспе сөз сөйлеп, республикалық көлемде өтіп жатқан Құран байқауының маңыздылығы мен мақсатына тоқталып өтті. Сондай-ақ Құранын ұлықтап жарысқа қатысушы қариларымыз бен төрешілерімізге, көрермен жамағатқа алғысын білдірді.

Алматы Орталық мешітінің наиб имамы Ерсін Әміре жарысқа қатысушыларды байқау шарттарымен таныстырып өтті.

Қарилар қоржындағы сандармен белгіленген асықтарды алу арқылы Құран оқу кезектерін анықтады.

Сөйтіп, бірінші кезекте Алматы облысының қариы Құран оқып бастады. Қазір басқа да өңірдің қарилары да өз кезектерімен Құран оқып сынға түсуде.

Естеріңізге сала кетейік, бүгінгі республикалық байқау Құран Кәрімнің 30 парасын, 20 парасын, 10 парасын және мәнерлеп оқу сынды 4 номинация бойынша өтуде.

Үміткерлердің Құран оқудағы қағидаларды дұрыс сақтауын жан-жақты қадағалайтын Садуахас қари Сағындықұлы, Кәмілжан қари Юлдашұлы, Жұманазар қари Садырханов, Еркінбек қари Керімбекұлы және Ерсін қари Бекайдарұлы секілді еліміздің танымал қарилары әділ бағасын беруде.

Жарыс екі күнге жалғасады. Нәтижесі жексенбіде, яғни 28 сәуір күні сағат 10:00-де Алатау дәстүрлі өнер театрында мәдени шарамен өтетін марапаттау кешінде мәлімделетін болады.

Қариларымыздың баршасына сәттілік тілейміз!

Жарыстың тікелей көрсетілімін Аzan.kz сайтының Youtube арнасынан көре аласыздар.

Жарыстың бірінші күні: https://www.youtube.com/watch?time_continue=2090&v=aFMbWzoH6Gc

Жарыстың екінші күнінің тікелей көрсетілімі 09:00-де басталады. Сілтемесі: https://www.youtube.com/channel/UC7IRI8eIzB9S8WirSZVZweg/live

ДЕРЕККӨЗІ Azan.kz

Ислам ақпараттық-ағарту порталы

Оқырмандардың пікірі (0)

Қызықты тақырыптар

VIII республикалық Құран жарысынан тікелей көрсетілім (LIVE)

26.04.2019 8 006 0

1 1

Алматыда VIII республикалық ҚҰРАН жарысы өтеді

ҚМДБ-ның ұйымдастыруымен 2019 жылдың 26-27 сәуір күндері Құран Кәрімді жатқа және мәнерлеп оқу бойынша VIII республикалық Құран байқауы Алматы қаласы Орталық мешітінде, ал жарыс жеңімпаздарын салтанатты түрде марапаттау кеші 28 сәуір күні сағат 10:00-де Алатау дәстүрлі өнер театрында мәдени бағдарла...

25.04.2019 11 008 0

2 1

Такси жүргізушісі туристерге 30 мың еуро ақшасын қайтарып берді

Ыстамбұлда такси жүргізушісі тунистік туристерге ішінде 30 мың еуро ақшасы бар сөмкесін қайтарып берді. Жергілікті БАҚ өкілдерінің хабарлауынша, туристер Стамбұл аэропортынан Құмкапы ауданындағы қонақүйге дейін жалдаған таксиде сөмкелерін ұмытқан....

24.04.2019 4 999 0

Алматы: Рамазан айына дайындық жұмыстары пысықталды (ФОТО)

Бүгін, Алматы қалалық мешіттердің бас имамдарының қатысуымен Рамазан айына дайындық жұмыстары пысықталған жиналас Орталық мешітте болып өтті.

23.04.2019 5 826 0

Алматы: «Орбита-3» мешітінде наиб имамдардың семинары өтті

Бостандық ауданына қарасты «Орбита-3» мешітінде, Алматы қаласы мешіттерінің наиб имамдарының қатысуымен, «Уағыз-насихаттағы заманауи әдістемелер мен жаңа шықан пәтуалар» атты тақырыпта білім семинары өтті. ...

17.04.2019 7 072 0

Алматы қаласы бойынша Құран жарысының іріктеу сайысы өз мәресіне жетті

Бүгін, ҚМДБ-ның Алматы қаласы өкілдігі ұйымдастыруымен, Құран Кәрімді жатқа және мәнерлеп оқу бойынша VIII республикалық Құран жарысының Алматы қаласы бойынша іріктеу сайысы "Бәйкен" мешітінде өз мәресіне жетті. ...

14.04.2019 6 663 0