АЗА ТҰТУ КҮНІНДЕ АЛМАТЫ ИМАМДАРЫ ҚҰРАН БАҒЫШТАДЫ
Бүгін елімізде жарияланған Жалпыұлттық аза тұту күніне орай Бас мүфти Наурызбай қажы Тағанұлының бастамасымен Алматы имамдары бесін намазында құран оқып, дұға жасады. Шараға шаһардың барлық мешіттерінде имамдар мен жамағат үн қосып, қаза тапқандардың рухына Құран бағышталды.
Алматы Орталық мешітінде наиб мүфти Кенжеәлі қажы Қоңыратбайұлы мен Бас имам Төлеби Дәділұлының қатысуымен Құран оқылып, дұға жасалды. Құран аятттары Абай облысындағы алапат өрт салдарынан опат болған өрт сөндіруші азаматтардың рухына арнайы бағышталды. Еліміздің туы төмен түсіріліп, күллі Қазақстан халқы қайғыға шомған азалы күнде марқұмдардардың артында қалған туыстары мен жақындарына көркем сабыр сұрап, Жаратушы Алладан жақсылық тіледі.
Наиб мүфти Кенжеәлі қажы Қоңыратбайұлы өз сөзінде: «Бас мүфти бастамасымен бүгін Алматы қаласының барлық мешіттерінде қаза тапқандардың рухына Құран хатым бағышталуда. Біз де ел амандығы үшін өрт сөндіру кезінде қайтыс болған жандардың рухына дұға жасадық. Артында қалған ағайынға қайғырып көңіл айтамыз», - деді.
Ибраһим пайғамбардың дұғасында айтылғандай, Алла Тағала елімізді бейбіт, тыныш мекенге айналдырғай. Халқымыздың ризық-несібесін мол етіп, табиғат апаттарынан аман қылғай! Жеріміз бүтін, жұртымыз тыныш болсын. Әумин.
Алматы Орталық мешітінің баспасөз қызметі
Тақырып бойынша жаңалықтар
Қызықты тақырыптар
Намаз уақыттары 
.jpg)
.jpg)
.jpg)
.jpg)
