АЛМАТЫДА ҚМДБ-НЫҢ 35 ЖЫЛДЫҒЫНА ОРАЙ РУХАНИ КЕШ ӨТТІ
Бүгін Алматы қаласында ҚР Ұлттық кітапханасында Қазақстан мұсылмандары діни басқармасының 35 жылдығына арналған «Діни басқармаға – 35 жыл» атты рухани кеш өтті.
Рухани кешке Қазақстан мұсылмандары діни басқармасының Төрағасы, Бас мүфти Наурызбай қажы Тағанұлы, сондай-ақ Қазақстан Жазушылар одағының төрағасы Мереке Құлкенов, халық жазушысы, ҚМДБ Ақсақалдар кеңесінің мүшесі Смағұл Елубай, белгілі қоғам қайраткері Марат Тоқашбаев, ғалым-аудармашы Зәріпбай Жұманұлы және ардагер имамдар, дін қызметкерлері, БАҚ пен зиялы қауым өкілдері қатысты.
Кеш барысында ҚМДБ-ның 35 жылдық мерейтойына арналып түсірілген деректі фильмнің тұсаукесері өтіп, көрермен назарына ұсынылды. Сонымен қатар рухани басқарманың тарихы мен руханият жолындағы қызметін айшықтайтын арнайы арнау орындалып, көрермендерге сахналық көрініс ұсынылды.
Бас мүфти Наурызбай қажы Тағанұлы өз сөзінде: «Қазақстан мұсылмандары діни басқармасы ел бірлігі мен рухани тұтастықты сақтау, қоғамда имандылық пен ізгілікті насихаттау бағытында үздіксіз қызмет атқарып келеді. Алғашқы Бас мүфтиіміз Рәтбек қажы Нысанбайұлы Хазіретіміз бастаған ұлт руханиятының жанашырларының еңбегі бүгінгі дамудың берік іргетасына айналды. Одан кейінгі кезеңдерде де Бас мүфтилеріміз дәстүр сабақтастығын жалғастырып, Діни басқарманың өрісін кеңейтіп, ел мүддесіне қызмет етудің жаңа бағыттарын қалыптастырды», – деді.
Айта кетейік, биыл Қазақстан мұсылмандары діни басқармасының құрылғанына 35 жыл толып отыр. Осы мерейлі дата аясында республикамызда жыл көлемінде түрлі рухани іс-шаралар мен конференциялар ұйымдастырылуда.
Тақырып бойынша жаңалықтар
Қызықты тақырыптар
Намаз уақыттары 
.jpg)
.jpg)
.jpg)
