Алматы Орталық мешітінде «Ислам және жастар» тақырыбында шара өтті
Елбасының 2019 жылды "Жастар жылы" деп атауына байланысты және ҚМДБ-ның осы жылды "Ислам және жастар" деп бекіткеніне орай, Алматы Орталық мешітінің "Жастар ісі" секторы тыңғылықты істер атқарып келеді. Солардың бірі ретінде, Алматы Орталық мешітіндегі жастардың қатысуымен өткен шараны айтуға болады.
Бұл шараның мақсаты туралы Алматы Орталық мешітінің наиб имамы, қала мешіттері бойынша "Жастар ісі" секторының жауапты маманы Ермек Көкірекбаев: «Мешітке келуші жастардың діни білімі мен ислами көркем мінездерін қалыптастыру, сондай-ақ олардың жан-жақты дамып, қоғамдық істерге де өз үлестерін қосуға шақыру болмақ», – деп ерекше атап өтті.
Ал, Алматы Орталық мешіттің наиб имам Берік Үйсінбаев жиналған жастарға «Құранның қасиеті» атты тақырыпта мәні терең уағыз айтса, мешіт ұстазы Шоқан Құдайбергенов мұсылмандардың бірлігі жайында тәлімді сөздерін ортаға салды.
Әрі мешіт жастарының интелектульдық білімін шыңдау мақсатында оларға түрлі сұрақтар қойылды. Дұрыс жауап бергендерге сыйлықтар берілді. Осы шарада белсенділік танынқан мешіт жастарынынан құралған «Сәлем» тобына да үлкен алғысымызды білдіреміз.
Алматы Орталық мешітінің баспасөз қызметі
Қызықты тақырыптар
Намаз уақыттары 
.png)
