АЛМАТЫ: «ІЗГІЛІК ЖАРШЫСЫ - МҰХАММЕД (ﷺ)» РУХАНИ МӘУЛІТ КЕШІ ӨТЕДІ
Қазақстан мұсылмандары діни басқармасы Алматы қаласы өкілдігінің ұйымдастыруымен 2023 жылдың 24 ҚЫРКҮЙЕК күні сағат 10:00-де және 15:00-де «ІЗГІЛІК ЖАРШЫСЫ - МҰХАММЕД (ﷺ)» атты рухани мәуліт кеші өтеді.
Мәуліт кешіне зиялы қауым өкілдері, ақсақалдар мен мешіт жамағаты және имамдар қатысады. Бас мүфти Наурызбай қажы Тағанұлы «Ізгілік жаршысы - Мұхаммед (ﷺ)» тақырыбында баяндама оқиды. Биылғы мәуліт кешінде:
- Пайғамбарымыздың өмірбаяны қазақ тілінде жырланатын болады; (Меккенің фатх етілуі)
- Мәулітке арналған мерекелік шарада иләһи әндер мен термелер орындалып, пайғамбарға деген сағыныштар әнмен жеткізілмек;
- Балалар поэзиясынан қойылым көрсетіледі;
- Ең бастысы, рухани кеште Құран оқылып, салауаттар айтылады.
- Аллаға тәуекел ету, теріс қылықтардан аулақ болу, дұрыс дос таңдай білу, бала тәрбиесіндегі ата-ананың ролі т.б. мәнді дүниелер баяндалатын сахналық көріністер қойылады.
- Шара соңында Мәуліт рухани кешінің билеттерінен түскен қаражат көпшіліктің алдында мұқтаж кісілерге табысталатын болады.
Шараның басты мақсаты – Пайғамбарымызға салауат айту, оның асыл қасиеттерін дәріптеу, халық арасында имандылықты насихаттай отырып, тұрақтылық пен тыныштыққа үндеу болып табылады.
Алматы Орталық мешітінің баспасөз қызметі
Тақырып бойынша жаңалықтар
Қызықты тақырыптар
Намаз уақыттары 
.png)
