«АДАЛ ЕҢБЕК - АДАЛ ҚОҒАМ» СЕМИНАР-ТРЕНИНГІ ӨТТІ
Әуезов аудандық Ақсай мешітінде Жастар ісі секторының ұйымдастыруымен «Адал еңбек – адал қоғам» тақырыбында жастарға арналған тағылымды семинар-тренинг өтті.
Іс-шараны Ақсай мешітінің бас имамы Серікхан қажы Рымханұлы ашып, жастарға адалдықтың, жауапкершіліктің және еңбексүйгіштіктің маңыздылығы жөнінде насихат айтты.
Семинардың арнайы спикері – Таугүл мешітінің бас имамы Руслан қажы Қамбар жастарға өмірлік тәжірибесімен бөлісіп, тақырыпты Құран аяттары мен хадистер негізінде кеңінен түсіндірді.
Спикер өз сөзінде адал еңбектің адам өміріндегі орнына, маңдай термен табылған ризықтың қадіріне және әрбір істі жауапкершілікпен әрі сапалы атқарудың маңыздылығына тоқталды. Жастарды адалдыққа, еңбекқорлыққа, жауапкершілікке және қоғамға пайдасын тигізетін азамат болуға үндеді.
Тағылымды басқосу барысында жастар көкейлеріндегі сұрақтарын қойып, пайдалы пікірлерімен бөлісті.
Жастарға рухани серпін беріп, адал еңбек пен ізгілікке жігерлендірген семинар мазмұнды әрі әсерлі өтті.
Адал еңбек – берекенің бастауы, адалдық – қоғамның тірегі.
Тақырып бойынша жаңалықтар
Қызықты тақырыптар
Намаз уақыттары 
