ҚМДБ: Құрбандық еті 30 715 отбасыға жеткізілді (ФОТО)

01.08.2020 2 941 0

Қазақстан мұсылмандары діни басқармасы 31 шілде, яғни қасиетті Құрбан айттың бірінші күнінде еліміз бойынша құрбан шалу рәсіміне қатысты ұйымдастыру-үйлестіру жұмыстары жоғары деңгейде өткенін хабарлайды. Үйлестіру жұмыстарына бекітілген азаматтар арасында санитарлық талаптардың сақталуы қатаң қадағаланды.

WWW.QURBAN2020.KZ жобасын жүзеге асыру мақсатында арнайы құрылған жұмыс тобы күшейтілген режимде қызмет етті. Нәтижесінде жұмыстың басым бөлігі орындалды. Атап айтқанда, құрбан шалуға тапсырыс берушілердің өтініштерін 13 өкілдік толық орындады. Қалған 6 өкілдік (Нұр-Сұлтан қаласы, Алматы қаласы мен Ақтөбе, Атырау, Қызылорда, Қостанай облысы) жұмысын жүйелі түрде жалғастыруда. Атқарылған іс-шаралардың фото, видео есебі тапсырыс берушілерге дер кезінде жолдануда.

Қазақстан мұсылмандары діни басқармасы қазіргі уақытқа дейін 30 715 отбасыға құрбандық етін жеткізді. Сонымен қатар, құрбандық еті қарттар, жетімдер, балалар үйлері мен ауруханаларға таратылды. Мерекелік қуанышқа бөленген жандар алғыстарын айтып, ризашылық сезімдерін білдіруде. Сондай-ақ, WWW.QURBAN2020.KZ қайырымдылық жобасы аясында құрбан шалуға тапсырыс берген азаматтар тарапынан да телефон, әлеуметтік желі, уатсап арқылы оң пікірлер келіп түсуде.

Құрбан айттағы қайырымдылық шаралар бойынша 7 143 мұқтаж жанға ет таратқан Жамбыл облысы көш бастап тұр. Ал ҚМДБ-ның Алматы аймағы бойынша өкілдігі 4 182 отбасыға мерекелік қуаныш сыйлады. Талдықорған аймағы 2 789 мұқтаж жанға құрбандық етін үлестірді. Сондай-ақ Қарағанды облысы 2 191, Шығыс Қазақстан облысы 2 071, Павлодар облысы 1 910, Нұр-Сұлтан қаласы 1 421, Түркістан облысы 1 406, Алматы қаласы 1 120 отбасын қамтыды.

Осы ретте Қазақстан мұсылмандары діни басқармасының қайырымдылық бағытта қолға алған www.qurban2020.kz жобасына белсенді түрде атсалысып, мұқтаждың мұңын бөлісіп, сауапқа үлес қосқан барша азаматқа, сондай-ақ жекелеген кәсіпорындар мен ұйымдардың басшыларына айрықша алғыс айтамыз.

Алла Тағала жасаған қайырымдылықтың қайырын өздеріңізге еселеп қайтарсын деп тілейміз.

ДЕРЕККӨЗІ muftyat.kz

ҚМДБ ресми сайты

Оқырмандардың пікірі (0)

Қызықты тақырыптар

Мемлекет басшысы қазақ елін Құрбан айт мерекесімен құттықтады

Құрметті отандастар! Баршаңызды қасиетті Құрбан айт мерекесімен шын жүректен құттықтаймын!

31.07.2020 4 102 0

Бас мүфти: Құрбан айт құтты болсын!

Қадірлі қауым! Баршаңызды күллі исі мұсылман баласы асыға күтетін ұлық мейрам – Құрбан айтпен шын жүректен құттықтаймын! Айттарыңыз қабыл болсын! Сіздерге Алладан амандық, мықты саулық, мол ырыс пен бақ-береке тілеймін!...

31.07.2020 2 438 0

Қазақстан мұсылмандары діни басқармасының COVID-19 індеті кезінде мешіттердегі Құрбан айт намазына қатысты мәлімдемесі

Құрметті мұсылман қауым! Қазақстан мұсылмандары діни басқармасы еліміздегі карантин жағдайын ескере келе және дініміздің асыл мақсаттары мен шариғат негіздеріне сүйене отырып, мешіттерде жамағатпен жұма және Құрбан айт намазын оқуға қатысты ел тұрғындарына келесідей мәлімдеме жасайды: ...

30.07.2020 2 851 0

2 1

ҚМДБ ұстаздары Құрбан айтқа қатысты сұрақтарға жауап берді (ВИДЕО)

Кеше «Құрбан айт – ұлық мереке» арнайы хабарына қатысқан ҚМДБ-ның білікті, тәжірибелі ұстаздары тікелей эфирде көпшіліктің Құрбан айтқа қатысты сұрақтарына жауап берді....

30.07.2020 2 790 0

Бас мүфти Арапа күні бір мезетте бір дұға жасауға шақырды

Бүгін ҚМДБ төрағасы, Бас мүфти Наурызбай қажы Тағанұлы Орталық Азия елдерінің ғұламаларын, күллі дін қайраткерлерін, дін саласының оқытушы-ұстаздары, қариларды және барша мұсылман қауымын 30 шілде, бейсенбі күні бесін намазының уақытында «Бір мезетте – бір дұға» атты игі бастама аясында күллі адамза...

30.07.2020 8 489 0