МЕШІТ ИМАМЫ ҚАРТТАР ҮЙІН ЗИЯРАТ ЕТТІ
ҚМДБ бастамасы негізінде мешіт имамы қарттар үйіне арнайы барып, ақ сақалды аталар мен ақ жаулықты аналарға сый-құрмет көрсетті. Бұл іс-шара тек бір күндік кездесу емес, рухани байланыс пен адамгершіліктің айғағы болды. Қарттармен сырласқан имам, олардың хал-жағдайын сұрап, ізгі тілектерін тыңдады.
Алла Тағала қасиетті Құранда үлкендерге құрмет көрсету жайлы былай дейді: «Раббың тек Өзiне құлшылық етулерiңдi және ата-аналарыңа жақсылық iстеулерiңдi бұйырды…» (Құран, Исра сүресі, 23-аят) Сондай-ақ, Пайғамбарымыз Мұхаммед (оған Алланың салауаты мен сәлемі болсын): «Кішілерге мейірім көрсетпеген және үлкендерге құрмет етпеген бізден емес», – деген. (Әбу Дәуд, Әдәб 66; Тирмизи, Бирр 15). Қарияларға құрмет – имандылықтың белгісі деп білген дін қызметкерлері тұрақты түрде қаладағы қарттар үйін зиярат етіп, қажетті азық-түлік пен киім-кешек тағы басқа қажетті заттармен қамтамасыз етіп келеді.
Мешіт имамының бұл әрекеті жастарға үлгі, қоғамға өнеге боларлық іс. Қарияларға құрмет көрсету – тек дәстүр емес, ол – иманнан туған парасат. Себебі үлкенге ізет – кішіге өнеге.
Қызықты тақырыптар
Намаз уақыттары 
.jpg)
.jpg)
.jpg)
.jpg)
