Жаңалықтар

Жаңалықтар Ел тынысы Бас мүфти қажылық компанияларының жетекшілерімен кездесті (ФОТО)

Бас мүфти қажылық компанияларының жетекшілерімен кездесті (ФОТО)

12.06.2019 6 335 0

ҚМДБ төрағасы, Бас мүфти Серікбай қажы Ораз қажылық компанияларының жетекшілерімен жиналыс өткізді.

Жиынға ҚМДБ Аппарат басшысы Ғ.Мажиев, ҚР Ақпарат және Қоғамдық даму министрлігінің Дін істері комитеті Исламдық діни бірлестіктермен байланыстар басқарма басшысының м/а Нұрбаев Досымжан, ҚР Ақпарат және Қоғамдық даму министрлігінің Дін істері комитеті Исламдық діни бірлестіктермен байланыстар басқармасының Бас сарапшысы Қабылов Нұрғали және ҚМДБ Қажылық бөлімінің меңгерушісі Ж.Бекжігітов, ҚМДБ Баспа және аударма бөлімінің меңгерушісі М.Әбдіхалықов және Қажылықпен айналысуға қабілетті деп танылған 18 туристік фирманың басшылары қатысты.

Бас мүфти Серікбай қажы Сатыбалдыұлы:

«Қажылықты ұйымдастыру – зор мәртебе әрі үлкен жауапкершілік. Елден қасиетті мекенге аттанған әрбір қажы – бізге аманат. Қажыларға қызмет көрсететін Қажылық Миссиясы да қажылық фирмалары да осыны үнемі жадында ұстауы керек. Қажылықты ұйымдастыруға қойылатын талаптар да жылдан жылға күшейіп келеді, сапасы да жетіле түсті. Қажылық құлшылығын өтеп келетін қажыларымыз да жауапкершілікті түсінуі қажет», - дей келе фирма жетекшілеріне ҚМДБ Қажылық бөлімінің жаңа басшысы Жәнділла Мамытханұлын, Қажылықтың электронды жүйесіне жауапты Мұрат Манапұлын таныстырып, біріге жұмыс жасауға шақырды.

Кездесу барысында қажылық компанияларының «Қажылық-2019 маусымына дайындығы да пысықталды. Атап айтқанда, биылғы қажылық маусымын ұйымдастыру барысында қажылыққа аттанатын әрбір азаматпен типтік келісім-шарт жасалу, қажыларға менингокок инфекциясына қарсы екпе салуды қамтамасыз ету, қажыларға көрсетілетін қызмет сапасы мен ұсынылған пакет құнына (бағасына) сай болу, қажылықпен айналысатын қажылық компанияларының жеке сайтының болуы. Ол сайтта ұсынылған пакеттердің айырмашылығы, бару-қайту мерзімі, қонақүйлердің жай-күйі сынды т.б. қажыларға керекті барлық мағлұматтардың көрсетілу қажеттігі баса айтылып, тиісті нұсқаулықтар берілді.

Өз кезегінде, қажылық фирма өкілдері ҚМДБ-ның бұл талаптарын бірауыздан қолдап, талапты орындауға дайын екендіктерін жеткізді. Және осы басқосуда «Қажылық және ұмра үкімдері» кітабының танытымы өтті.

Бас мүфти Серікбай қажы Сатыбалдыұлы бұл еңбек қазақ және орыс тілдерінде жарық көргендігін тілге тиек етіп, аталмыш кітаптың ҚМДБ Қажылық қоры есебінен Үлкен қажылық сапарын өтеуге баратын әрбір қажыға тегін таратылатындығын жеткізді.

Айта кетейік, биыл үлкен қажылық өтейтін қажылардың саны 3200 адамды құрайды.

Оқырмандардың пікірі (0)

Қызықты тақырыптар

7 1

Елордада ғұламалар кеңесінің кезекті мәжілісі өтуде (ФОТО+ВИДЕО)

Кеше елордадағы ҚМДБ Бас кеңсесінде Ғұламалар кеңесінің кезекті отырысы басталды.

12.06.2019 6 380 0

Бас мүфти: Ораза айт құтты болсын (ВИДЕО)

Бас мүфти Ораза айтпен құттықтады

04.06.2019 6 603 0

Қазақстан қалалары бойынша айт намазының уақыттары (2019 ж.)

2019 жылдың 5 маусымы – Ораза айттың бірінші күні

03.06.2019 37 887 0

Назарбаев елордада ауызашар берді (ФОТО)

Бүгін Елбасы Нұрсұлтан Назарбаев ауыз бекіткен жамағатқа ауызашар берді. Бұл туралы Елбасының баспасөз хатшысы Айдос Үкібай twitter-дегі парақшасында хабарлады.

25.05.2019 8 827 0

Талдықорған мешітінде 1500-нан аса адамға ауызашар берілді (ФОТО)

Талдықорған қаласындағы орталық «Иман» мешітінде мың жарымнан аса адамға арналған «Рамазан — Раббымыздың сыйы» атты ауызашар дастарқаны жайылды. Ауызашарға Алматы облысы мен Талдықорған қаласы әкімдігінің өкілдері, ардагерлер кеңесінің мүшелері, қалалық мешіттердің жамағаты қатысты....

20.05.2019 7 022 0