Бас мүфти көпбалалы аналарға сый жасап, студентке тегін оқу грантын табыстады
Бас мүфти Серікбай қажы Ораз "Нұр Мүбəрак" университетінің студенттерімен кездесіп, Исламдағы əйел мəртебесі жайлы уағыз айтты.
"Адамзат өміріндегі үлкен аманатты арқалап жүрген құрметті аналар, әпке-қарындастар баршаңызды халықаралық көктем мерекесімен құттықтаймыз. Сіздердің орындарыңыз жайлы Ислам дініндегі деректердің өзі көп мағлұмат береді. Адамзат тарихындағы ардақты 4 анамыздың жәннатпен сүйіншіленуі, пайғамбарды дүниеге әкелген Мәриям анамыздың атымен сүре түсуі, толықтай бір сүренің әйелдерге арналып, мирас, мұрагерлік, т.б. құқықтарын қамтуы сіздердің қоғам өміріндегі орындарыңызды көрсетеді", — деп жүрекжарды лебізін білдірді Серікбай қажы Ораз.
Келген құрметті қонақтарға алғысын білдіріп, сөз алған "Нұр-Мүбарак" ректоры, профессор Мухаммад әл-Жинди жиылған бүкіл жаулықты қыз-келіншектерді мерекелерімен құттықтап, әлемнің бір бөлшегі ретінде Мысыр елінде де халықаралық әйелдер мерекесі аталып өтетініне тоқталды.
Сондай-ақ Алматыдағы Мысыр мәдениет пен білім ісі жөніндегі орталық директоры Ранда Махмуд Ризк ханым да ізгі лебізімен қоса университеттегі бірнеше үздік ханымдарға сый-сыяпатын табыс етті.
Мерекенің көрігін Бас мүфти Серікбай қажы Ораздың көпбалалы бірнеше анаға кір жуғыш, тігін машиналары, сондай-ақ университетте білім алушы көп балалы отбасында өскен 1 курс студенті Аяна Шораға білім грантын табыс етуі аша түсті. Бас мүфти атындағы грант 4 курс бойы төленбек. Алдағы уақытта университеттің үздік студенттеріне осындай гранттар көбейту де жоспарда бар.
Қызықты тақырыптар
Намаз уақыттары 
.png)
