Жаңалықтар

Жаңалықтар Ел тынысы Бас мүфти: Еліміздің әр жетістігінде Елбасының қолтаңбасы жатыр

Бас мүфти: Еліміздің әр жетістігінде Елбасының қолтаңбасы жатыр

20.03.2019 4 971 0

Қазақстан мұсылмандары діни басқармасының төрағасы Серікбай қажы Ораз Нұрсұлтан Назарбаевтың президенттік өкілеттігін тоқтату туралы шешіміне қатысты пікір білдірді.

"Тəуелсіз Қазақстанның əрбір жеткен жетістігінде, бағындырған белесінде Тұңғыш Президентіміз - Нұрсұлтан Назарбаевтың қолтаңбасы жатыр. 100-ден астам ұлт пен ұлысты бір шаңырақтың астына топтастыра білген Елбасының ерен еңбегі тарихта мəңгі қала бермек. Н.Назарбаев тəуелсіздік жылдарында діни сенімі мен ұстанымы бір арнаға тоғыса бермейтін əлемдік дəстүрлі дін көшбасшыларының басын Астанада қосып, дін қайраткерлерін ортақ мақсатқа үндеді. Елордада əр үш жыл сайын өтетін Əлемдік жəне дəстүрлі дін лидерлерінің съезі жер жүзіндегі діні мен тілі, ұлты мен ұлысы əртүрлі күллі адамзат баласын бірлік пен бейбітшілікке, ымыра мен ынтымаққа ұйыстырар бірегей игі жобаға айналды. Осылайша, Астана бейбітшіліктің алтын бесігіне айналды.

Нұрсұлтан Əбішұлы əлемге татулық пен достықты, тұрақтылық пен толеранттылықты жақтайтын көшбасшы, тұлға ретінде танылды. Ол кешегі хан-сұлтандарымыздың арманын орындап, жаңа Қазақ мемлекетінің іргетасын қалады. Мемлекетті басқаруда ұлт бірлігін, дін бірлігін бірінші орынға қойып, достық пен келісімнің үздік үлгісін қалыптастыра білді. Осынау сарабдал саясаттың арқасында біздің елімізде тыныштық пен тұрақтылық салтанат құрды.

Мұсылман қауымының ұлық мейрамы - Құрбан айт демалыс күні болып жарияланды. Мұсылман жамағаты мемлекеттің бұл қамқорлығына әрқашан дəн риза. Біз, Ислам дінінің қызметкерлері мемлекеттің тұтастығы мен игілігі үшін қашан да дұға-тілектеміз.

Асыл дініміздің жанашыры Нұрсұлтан Назарбаев президенттік өкілеттігін тоқтату туралы шешімін жариялаудан бір күн бұрын Астанада Орталық Азия мен ТМД елдері бойынша теңдесі жоқ, бір мезетте 30 мың адам құлшылығын өтей алатын зəулім мешіттің іргетасын қалады. Осы тарихи шарадан кейін Елбасы Қазақстан мұсылмандары діни басқармасының жаңа ғимаратын аралап, дін қызметкерлерімен сұхбаттасты. Мүфтияттың жұмысына сəттілік тілеп, игі бастамаларымызға батасын берді. Бұл - Ұлт лидерінің Ислам діні мен еліміздегі 70 пайыздан астам мұсылман жамағатының қарашаңырағы - Қазақстан мұсылмандары діни басқармасына жасаған қамқорлығының жарқын көрінісі деп атар едім. Еліміздің, дініміздің дамуына өлшеусіз үлес қосқан Елбасына шынайы алғысымыз бен ризашылығымызды білдіреміз. Ол кісіге Алла разы болсын!

Елді басқару тізгінін қолға алған Қасым-Жомарт Кемелұлының тарихи жұмысына береке тілейміз.

Алла Тағала ел іргесін берік еткей. Халқымыз аман, жұртымыз тыныш болғай! Əмин!" - деп атап өтті Бас мүфти Серікбай қажы Ораз.

Оқырмандардың пікірі (0)

Қызықты тақырыптар

1 1

Мемлекет басшысы Қазақстан мұсылмандары діни басқармасының жаңа ғимаратын аралады (ФОТО+ВИДЕО)

Нұрсұлтан Назарбаев елорданың Алматы ауданындағы Қазақстан мұсылмандары діни басқармасының жаңа ғимаратын аралап көрді.

19.03.2019 7 566 0

6 1

Назарбаев Қазақстандағы ең үлкен мешіттің іргетасын қалады (фото)

Астананың сол жағалауында жаңа мешіт салынады. Оның капсуласын қалауға Президент Нұрсұлтан Назарбаев қатысты.

18.03.2019 11 444 0

Бас мүфти жастармен жүздесті

Астанада Қазақстан мұсылмандары діни басқармасының төрағасы Серікбай қажы Ораз Гуманитарлық заң колледжінде жастармен кездесті.

15.03.2019 5 223 0

Қазақстан Президенті шейх Заид мешітіне барды

Мемлекет басшысы Біріккен Араб Әмірліктерінің Абу-Даби қаласындағы көрікті жерлерінің бірі – шейх Заид мешітін аралап көріп, осы елдің негізін қалаушы әрі тұңғыш президенті шейх Заид бен Сұлтан Әл Наһаянның рухына тағзым етті....

14.03.2019 5 228 0

Бас мүфти Куба елшісін қабылдады

Астанада Қазақстан мұсылмандары діни басқармасының төрағасы Серікбай қажы Ораз Куба Республикасының еліміздегі Төтенше және Өкілетті елшісі Эмилио Певида Пупо мырзаны өз өтініші бойынша қабылдады....

13.03.2019 5 519 0

Бас мүфти көпбалалы аналарға сый жасап, студентке тегін оқу грантын табыстады

Қос елдің әнұранымен басталған Нұр-Мүбарак университетіндегі халықаралық әйелдер мерекесіне бүгін Қазақстан мұсылмандары діни басқармасының төрағасы, Бас мүфти Серікбай қажы Ораз бен Египет Араб Республикасының еліміздегі Мысыр мәдениет пен білім ісі жөніндегі орталық директоры доктор Ранда Махмуд Р...

08.03.2019 5 648 0