Алматы қаласында Ораза айт намазы 15 маусым күні сағат 06:00-де оқылады
Рамазан айы үлкен мерекемен аяқталады. Бұл мереке – Ораза айт мерекесі. Бұл күні барлық мұсылмандар мерекелік намаз – Айт намазын жамағатпен оқу үшін мешітке ағылады. Намаздан соң мерекелік құтпаға қатысу – сүннет болып табылады.
Ибн Аббастан (оларға Алла разы болсын) жеткендей:
«Алла Елшісі (оған Алланың игілігі мен сәлемі болсын), Әбу Бәкір, Омар және Осман (оларға Алла разы болсын) жүргізген мерекелік намазға қатыстым. Олардың бәрі уағыз алдында намаз оқыды».
Мерекелік намаз қалай оқылады
Айт намазы өзге намаздар секілді оқылады. Айырмашылығы – Айт намазында тәкбір алты мәрте артық айтылады.
Бірінші рәкәғатта алғашқы тәкбір мен сана дұғасынан соң, тағы да үш рет тәкбір айтылады. Екінші рәкәғатта, Құран оқылғаннан соң, рүкүғқа барар алдында тағы да үш рет тәкбір алынады. Осыдан соң тағы бір тәкбір рүкүғқа бару үшін алынады.
Барлығын қосқанда, қыйамда тұрған кезде 8 мәрте тәкбір алынады.
Айт намазынан соң барлық мұсылмандар бір- біріне «Айт құтты болсын!» деп құттықтап, жылы тілектер айтысады.
Айт намазы адамдар арасындағы қарым- қатынасты, махаббатты, бауырмашылықты жаңартушы әрі нығайтушы болып табылады.
Дәрет алу және киім кию
Бұл күні мұсылмандарға мүмкін болса жуынып- шайынып, ер адамдар үстілеріне әтірлерін сеуіп, ең әдемі деген киімдерін кигендері абзал. Ибн Омар (оларға Алла разы болсын) былай деген:
«Омар жақында базардан алған киімді алып, Алла Елшісіне (оған Алланың игілігі мен сәлемі болсын) барады да: «Алла Елшісі, мына киімді ал және де осы киіммен Айт пен өкілдерді қарсы ал». Ибн Омар Орзаза айт мерекесінде ең жақсы киімдерін киетін (Әл Бұхари)
Ораза Айт намазы алдында ішіп- жеу
Әнас (оған Алла разы болсын) былай деген:
«Ауыз ашар күні Алла Елшісі (оған Алланың игілігі мен сәлемі болсын) үйінен (айт намазына) бірнеше құрма жеместен шықпайтын еді».
Басқа нұсқасында Әнас (оған Алла разы болсын) былай деген:
«... және де Алла Елшісі (оған Алланың игілігі мен сәлемі болсын) тақ сан етіп құрма жеген» (Әл Бұхари, 953)
Ораза айт мерекесімен құттықтау
Ораза Айт мерекесімен өзге жандарды құттықтауда ешқандай күмән жатқан жоқ. Мұсылмандарды құттықтаған кезде мына сөздер айтылады:
«Тақаббалла Аллаһ Минна уә Минкум». (Алла Тағала бізден де, сізден де қабыл алсын)
Жәбир бин Нафирден жеткен хадисте былай делінеді:
«Алла Елшісінің (оған Алланың игілігі мен сәлемі болсын) сахабалары Ораза Айтта кездескен кезде бір- біріне: «Алла сізден де, бізден де қабыл алсын»,- деп айтқан».
Айт намазынан үйге қайту әдебі
Жәбир (оған Алла разы болсын) былай деген:
«Мереке күні Пайғамбар (оған Алланың игілігі мен сәлемі болсын) айт намазынан қайтқанда келген жолымен емес, басқа жолмен жүретін» (Әл Бұхари, 986)
Айт намазынан соң не істеген абзал?
Айт күндері мерекелік дастархан әзірлеп, туысқандарды, көрші- қолаң, дос- жарандарды қонаққа шақырған абзал. Бұл күндері туыстық қарым- қатынасты нығайтуға аса мән берген жөн. Сондықтан да туыстарыңыз бен жақындарыңызға барыңыздар. Жылы тілекті әрі көңілді болыңыздар.
Садақа беріп, жақсылық жасаңыздар.
Әйел адамдардың айт намазына баруы
Умм Атийя (оған Алла разы болсын) былай деген:
«Алла Елшісі (оған Алланың игілігі мен сәлемі болсын) өзімізбен бірге қарт әйелдер мен жас қыздар және орта жастағы келіншектерді екі меркедегі оқылатын намазға әкелуді бұйырды. Алайда осы кезде етеккірі келген әйелдер бізбен бірге Айт намазын орындай алмайтын» (Бұхари, Муслим)
Құрметті мұсылмандар! Алматы Орталық мешітінің ұжымы сіздерді Ораза Айт мерекесімен құттықтайды. Алла Тағала баршаңызға жақсылық пен отбасыларыңызға амандық берсін!
Тақырып бойынша жаңалықтар
Рамазан айы үлкен мерекемен аяқталады. Бұл мереке – Ораза айт мерекесі. Бұл күні барлық мұсылмандар мерекелік намаз – Айт намазын жамағатпен оқу үшін мешітке ағылады. Намаздан соң мерекелік құтпаға қатысу – сүннет болып табылады. Бұл күні мұсылмандарға мүмкін болса жуынып- шайынып, ер адамдар үстіле...
Бүгін, мінеки, көптен күткен қасиетті Рамазан айымен қауышып, мұсылмандар оразаның бірінші күнін ұстап, ауыздарын бекітті. Осыған орай, Алматы қаласы Орталық мешітінде, ораза тұтқандардың сауабына қалу ниетінде, 500 адамға арнап ауызашар дастарханы жайылды. ...
Қазақстан Республикасының Президенті Қасым-Жомарт Тоқаев қазақстандықтарды Рамазан айының басталуымен құттықтады:
Рамазан айының басталуын нақты анықтау шариғи үкімдер мен астрономиялық есептер негізінде жүзеге асады. Алғашқы кезеңде мұсылмандар жаңа туған айды көзбен көретін. ...
Күллі момын-мұсылманды шат-шадыман қуанышқа бөлеп, әр шаңыраққа Алланың берекесі мен сәлемінің ұшқынын ала келетін Ораза Айт мерекесі Алматы қаласы Орталық мешітінде жоғары деңгейде өткізілді. Таң намазынан бастап ең әдемі киімдерін киіп, хош иістерін себініп, жүздері қуанышқа толған жамағат мешітке...
Қызықты тақырыптар
Ислам – білім мен ғылым діні. Жер бетіне түсірілген қасиетті Құранның алғашқы аятының өзі білім алудың маңыздылығын баяндады. Алла Тағала «Алақ» сүресінің 1-аятында: «Оқы! Жаратқан Раббыңның атымен!» - деп оқуға, ізденуге маңыздылық беру керектігін ескертті....
Алматы қаласы Орталық мешітінде қасиетті Рамазан айымен бірге басталған Құран Кәрімді толық оқу бүгін мың айдан да хайырлы болған Қадір түнінде аяқталып, Қазақстан мұсылмандары діни басқармасының шариғат және пәтуа бөлімінің меңгерушісі Сансызбай Құрбанұлы хатым дұғасын жасады. ...
Сіздердің назарларыңызға Алматы қаласындағы барлық мешіттерде оқылатын Құран хатым дұғасының кестесін ұсынамыз. Ардақты Алла елшісінің (Оған Алланың игілігі мен сәлемі болсын) сахабаларынан жеткендей Құран Кәрімнің хатым дұғасына қатысу зор сауаптарға жолықтырады....
Алматы қаласына арнайы іс-сапармен келген ҚМДБ-ның шариғат және пәтуа бөлімінің меңгерушісі қызметін атқарушы Сансызбай Құрбанұлы «Тагүл-3» мешітінің жамағатына уағыз айтып, тарауих намазына қатысты....
Кеше Қазақстан мұсылмандары діни басқармасының төрағасы, Бас мүфти Серікбай қажы Ораз хазрет ардагерлер үйіне арнайы зиярат жасап, ауызашар дастарханын жайды. Бас мүфти хазретті ардагерлер үйінің директоры Раиса Мұсабекқызы күтіп алып, қарттарға жасалып отырған барлық жұмыстарымен таныстырды....
Қазақстан мұсылмандары діни басқармасының төрағасы, Бас мүфти Серікбай қажы Ораз қасиетті рамазан айында Алматы қаласы Бостандық ауданында орналасқан «Байкен» мешітінде болды. Тарауық намазын жүргізіп, жамағатқа уағыз айтып, Құран хатым дұғасын жасап ақ батасын берді....
Намаз уақыттары 
.jpg)
.jpg)
.jpg)
.jpg)
