Бала тәрбиесі - басты міндет

Асыл дініміз Ислам баланы үлкен аманат деп танып, олардың саналы да тәрбиелі болып жетілуіне аса мән беруге үйретеді. Себебі, отбасында дұрыс тәрбие көрген бала есейген уақытта ата-анасының көз қуанышы болып қана қоймай, қоғамына пайда алып келетін азамат болып жетілетін болады. Қазақ халқындағы: «Ұл мен қызың жақсы болса, жердің үсті жақсы, ұл мен қызың жаман болса жердің асты жақсы», – деп айтылатын сөздің сыры осында жатса керек. Тәрбиелі, ізгі ұрпақ ата-анасының бұл дүниеде абыройын көтеріп әрі қияметте де сауапқа кенелуіне себепші болады. Ардақты Пайғамбарымыз (оған Алланың салауаты мен сәлемі болсын): إذَا مَاتَ ابْنُ آدَمَ انْقَطَعَ عَمَلُهُ إلا مِنْ ثَلاثٍ: صَدَقَةٍ جَارِيَةٍ ، أَوْ عِلْمٍ يُنْتَفَعُ بِهِ ، أَوْ وَلَدٍ صَالِحٍ يَدْعُو لَهُ «Адам дүниеден өткенде, оның үш амалынан басқасының бәрі тоқтап қалады. Олар: үзілмейтін садақа, басқаларға пайдасы тиетін білім және салихалы ұрпақтың оған арнап жасайтын дұғасы», – деп айтқан (имам Муслим). Жас шыбықты түзету оңай, алайда, өсіп кеткеннен қисық ағашты жөндеуге келмейтіні сияқты, ұрпағына дұрыс тәрбие беруді ниет еткен адам оған туғанынан, тіпті одан да ерте қамдануы қажет.

Лектор Төлеби Оспан

ДЕРЕККӨЗІ Azan.kz

Ислам ақпараттық-ағарту порталы

Таң	Күн	Бесін	Аср	Ақшам	Құптан
05:31	06:51	11:41	14:43	16:25	17:46

Мультимедиа

Бала тәрбиесі - басты міндет

Оқырмандардың пікірі (0)