ЖЕТІМНІҢ АҚЫСЫНАН ҚОРЫҚҚАН ӘЙЕЛ ОҚИҒАСЫ (ВИДЕО)
Әлеуметтік желілерде үйінді астында жатып, телефонға өсиетін жазып қалдырмақшы болған Фатма Курттың видеосы тараған болатын. Онда ол өзінің қарызын өтеуді өсиет етеді. Алайда ол қарыз емес, аманат етілген ақша болып шықты.
Бұл туралы ол үйінді астынан шыққан соң мәлімдеді, деп хабарлайды Qaz365.kz тілшісі TV100-ге сілтеме жасап.
«4 жетім балаға тоңазытқыш алу үшін жиналған аманат ақша еді. Жетімдердің ақшасы еді, менің ақшам емес еді. Сондықтан да сол ақшаны өтеңдер дедім. Жетім балалардың ақысы менде кеткенін қаламадым», – деп түсіндірді әйел.
Ол осы видеоны түсірген кезде, екі баласының бірі, 12 жастағы Біләл қасында жансыз жатыр еді.
«Ұлымды құтқара алмадым. Ол мені кешірмейтін шығар. Анам мені құтқармады дер. Менің ұлым өте мейірімді еді. Бәріне көмектесіп жүретін. 5 лира берсем, достарына тым болмаса сағыз алып беретін» , – деп ұлын еске алды ана.
Фатма Курт ұлының арқасында құтқарылғанын айтады.
«Екі күн жалғыз қалды. Үсіді ме екен, қорықты ма екен, анам мені тастап кетті деді ме екен? Оның үстіне түскені үшін (ред. бетон) біз аман қалдық. Ол бізді құтқарды. Ұлыңның денесінің арқасында аман қалу неткен ауыр», – деді ана.
Қызықты тақырыптар
Намаз уақыттары 
.jpg)
.jpg)
.jpg)
.jpg)
