Жаңалықтар

Жаңалықтар Ел тынысы ҚМДБ: Республикалық семинардың сертификаты табысталды (ФОТО)

ҚМДБ: Республикалық семинардың сертификаты табысталды (ФОТО)

27.09.2019 3 415 0

Алматы қаласында апта басында басталған «Діни пәндерді оқытуда ақпараттық технологияларды қолдану» атты 4 күндік семинар өз мәресіне жетті.

Бүгін семинарға қатысқан әр аймақтан келген 30-дан астам медресе-колледж ұстаздарына сертификат табыстау рәсімі өтті. Ұйымдастыру комитетінің жетекшісі, ҚМДБ Баспа және аударма бөлімінің меңгерушісі Мұрат Манапұлы, ҚМДБ баспасөз хатшысы Ағабек Қонарбайұлы және «Нұр-Мүбәрак» университетінің ұстаздары, филология ғылымдарының кандидаты Рашид Мухитдинов пен Руслан Қамбаров ұстаздарға сертификатты ресми түрде табыстады.

Семинар жұмысын қорытындылаған Мұрат Манапұлы:

«Құрметті ұстаздар, 4 күн ішінде маңызды тақырыптарда дәріс тыңдадыңыздар. Алған ілімдеріңізді шәкірттердің ой-санасына жеткізіп, тәптіштеп түсіндіріп бересіздер деген сенімдемін», – деп атап өтті.

Өз кезегінде медресе-колледж ұстаздары семинардан мол тағылым алғанын айтып, ұйымдастыру комитетіне алғысын жеткізді. Сонымен қатар игі шараның алдағы уақытта да жүйелі түрде ұйымдастырыла беруіне тілеулестік білдірді.

Айта кетсек, республикалық семинардың ұйымдастырушысы – Қазақстан мұсылмандары діни басқармасы мен Білім, ғылым және мәдениет істері жөніндегі Ислам ұйымы (ИСЕСКО).

4 күндік семинарда «Нұр-Мүбәрак» университетінің докторанты, ұстаз, «Нұр-Мүбәрак» университеті мешітінің наиб имамы Руслан Қамбаров пен «Нұр-Мүбәрак» университетінің ұстазы, филология ғылымдарының кандидаты Рашид Мухитдинов дәріс берді.

ДЕРЕККӨЗІ muftyat.kz

ҚМДБ ресми сайты

Оқырмандардың пікірі (0)

Қызықты тақырыптар

Елордада жаңа мешіт ашылды (ФОТО)

Бүгінгі қасиетті жұма Елорда жамағаты үшін айрықша қуанышқа толы болды. Қала шетінде орналасқан Байқоңыр ауданындағы Өндіріс елдімекенінде "Әр-Рахман" мешітінің құрылысы аяқталып, халық игілігіне пайдалануға берілді....

27.09.2019 6 323 0

ҚМДБ: Ұлттық аударма бюросымен ынтымақтастық артады (ФОТО)

Қазақстан мұсылмандары діни басқармасы жанынан «Мүфтият баспасы» ашылғаны белгілі. Баспаны ашудағы мақсат – мүфтияттың төл баспа өнімдерін (кітап, газет, журнал, таратпа материалдар, т.б.) шығарып, халыққа тарату. ...

26.09.2019 3 543 0

Алматыда республикалық семинар басталды (ФОТО)

Алматы қаласында Қазақстан мұсылмандары діни басқармасының ғимаратында медіресе ұстаздарына арналған «Діни пәндерді оқытуда ақпараттық технологияларды қолдану» тақырыбында 4 күндік семинар басталды....

24.09.2019 3 489 0

«Елтаным» байқауы Алматы қаласының үздік имамдарын анықтады

«Елтаным» байқауы имамдардың білім-білігін ғана емес, ұлттық салт-дәстүр, ұлы тұлғалардың дін жайындағы еңбектерін халық арасында насихаттау тәсілдерінде сарапқа салу үшін биыл екінші рет ұйымдастырылды. Алматы қаласы Қоғамдық даму басқармасы, «Үш байлық» қоғамдық бірлестігі, Алматы Орталық мешітіні...

23.09.2019 4 753 0

Қазақ және орыс тілдерінде транскрипциясымен, мағынасымен шыққан Құран Кәрімнің тұсаукесер рәсімі өтті

Алматы қаласы «Ас-Салям» мейрамханасында, «Райымбек ислам» қайырымдылық бірлестігінің төрайымы Сәуле қажы Бекенқызының қажырлы еңбегінің арқасында, Қазақстанда тұңғыш рет қазақ және орыс тілдерінде транскрипциясымен, мағынасымен шыққан Священны Коран және Қасиетті Құран Кәрімнің тұсаукесер рәсімі өт...

17.09.2019 5 838 0