ҚМДБ: Құранның жаңа аудармасы мен тәпсірі жарық көрді

25.02.2020 14 394 1

Бүгін елордадағы ҚМДБ ғимаратының мәжіліс залында «Қасиетті Құран: мағынасы мен түсініктемелері» атты кітаптың тұсаукесері өтті. Танытым шарасына Бас мүфти Наурызбай қажы Тағанұлы, Парламент депутаттары, ғалымдар, зиялы қауым өкілдері мен дін қайраткерлері қатысты.

Жаңа еңбек Құран аяттарын тікелей мағынасында түсіну, жастардың деструктивті ағымдар арбауына кетпеуіне ықпал ету мақсатында жарық көріп отыр. Құранды араб тілінен аударған – исламтанушы, ҚМДБ наиб мүфтиі Ершат Оңғаров. Қазақ тілінің әдеби мәнерімен өрнектеп, редакциялаған – Қазақстан Жазушылар одағының мүшесі, жазушы Нұржан Мұраталиев.

Танытым шарасында Бас мүфти Наурызбай қажы Тағанұлы Құранның адамзатты надандықтан, зұлымдықтан тура жолға, ілім мен өркениет жолына бастайтын Хақ кітап екеніне тоқталды.

«Құран оқылған, оған амал етілген үйде, жерде, елде тыныштық орнайды, Алланың берекеті болады. Бұдан түйетін ой: Құрансыз өмірдің мәні де сәні де жоқ. Пайғамбарымыздың (оған Алланың салауаты мен сәлемі болсын) хадисінде: «Үйлеріңізде Құран Кәрімді көп оқыңыздар. Себебі Құран оқылмаған үйде жақсылық, береке аз болады. Ондай үй-іші әрдайым қиындықта болады. Яғни, ондай үйде тыныштық болмайды», – деген. Міне, қолдарыңызда Құранның жаңа аудармасы мен тәпсірі тұр. Араб тілінен аударған – исламтанушы, ҚМДБ наиб мүфтиі Ершат Оңғаров. Аударманың ерекшелігі – қасиетті аяттар араб тіліндегі түпнұсқадан аударылған, аяттардың қазақша мағынасы берілген, тәпсірі, түсініктемесі мен тарихы жан-жақты жазылған. Сүренің қазіргі ғылыммен байланысы баяндалған, араб тіліндегі аяттың дұрыс оқылу транскрипциясы берілген. Кітап көлемі 1000 беттен асады. Аудармашы аударма барысында Мысыр, Түркия, Араб мемлекеттеріндегі түпнұсқа қолжазбаларға сүйене отырып, дін мен дәстүр сабақтастығына мән берген» деп атап өтті Наурызбай қажы Тағанұлы.

Сондай-ақ Бас мүфти Ершат Ағыбайұлының бұл еңбекті дайындауда әл-Матуриди, ән-Нәсәфи, әл-Жәләләйн, әл-Әлуси сынды ханафи мәзһабының ғұлама-ғалымдары мен тәпсіршілердің кітабынан өз нұсқасынан аударып шыққанын, кітапты дайындауда бірнеше жылын сарп еткенін айрықша атап өтіп, алғыс білдірді.

ДЕРЕККӨЗІ muftyat.kz

ҚМДБ ресми сайты

Оқырмандардың пікірі (1)

Maman

23 сәу. 2020

Ассалаумағалейкум! Аталған Құран Кәрім нұсқасын онлайн тапсырыс беруге бола ма?

Жауап жазу

Қызықты тақырыптар

Шымкент: Iman.kz сайты іске қосылды (фото)

ҚМДБ төрағасы, Бас мүфти Наурызбай қажы Тағанұлының тапсырмасымен Шымкент қаласы орталық мешітінің жаңа iman.kz сайтының таныстырылымы өтті.

21.02.2020 5 296 0

«Әзірет Сұлтан» мешітіне бас имам тағайындалды (ФОТО)

Бүгін, қасиетті жұма күні Елорда төріндегі республикалық «Әзірет Сұлтан» мешітіне ҚМДБ төрағасы, Бас мүфти Наурызбай қажы Тағанұлының бұйрығымен жаңа бас имам тағайындалды. Жұма намазына жиылған жамағат алдында ҚМДБ наиб мүфтиі Ершат Оңғаров Бас мүфти бұйрығын оқып, жаңа бас имамды таныстырып өтті....

21.02.2020 5 821 0

Президент Қасым-Жомарт Тоқаев Әзірет-Сұлтан мешітіне келді (ФОТО)

Мемлекет басшысы Қасым-Жомарт Тоқаев Әзірет-Сұлтан мешітіне келіп, Қазақстан мұсылмандары діни басқармасының жаңадан сайланған бас мүфтиі Наурызбай қажы Тағанұлымен кездесті. Бұл туралы Президенттің баспасөз қызметі хабарлады....

21.02.2020 5 270 0

Бас мүфти Қожа Ахмет Яссауи кесенесін зиярат етті

Түркістан облысында іссапармен жүрген ҚМДБ төрағасы, Бас мүфти Наурызбай қажы Тағанұлы қала әкімі Рашид Аюповпен бірге Қожа Ахмет Яссауи кесенесін зиярат етті.

21.02.2020 4 708 0

Наурызбай қажы Тағанұлы Арыстан баб кесенесіне зиярат жасады (ФОТО)

Бүгін Түркістан облысына арнайы жұмыс сапарымен келген ҚМДБ Төрағасы, Бас мүфти Наурызбай қажы Тағанұлы Отырар ауданына ат басын бұрды.

21.02.2020 5 662 0

Бас мүфти Түркістан облысына келді (ФОТО)

Жұмыс сапарын Түркістан облысының Түлкібас ауданынан бастаған ҚМДБ Төрағасы, Бас мүфти Наурызбай қажы Тағанұлы әкімдіктің мәжіліс залында арнайы кездесу өткізді....

21.02.2020 3 752 0