ҚАЗАҚ АҒАРТУШЫЛАРЫНЫҢ ЕҢБЕКТЕРІНДЕГІ ДІНИ ТЕРМИНДЕРДІ ТАЛДАУ СЕМИНАРЫ ӨТТІ
«Қазақ ағартушыларының еңбектеріндегі діни терминдерді талдау» семинары өтті
ҚМДБ жанындағы Ислам ғылыми-зерттеу институтында «Қазақ ағартушыларының еңбектеріндегі діни терминдерді талдау» тақырыбында ғылыми семинар өтті. Шараға ҚМДБ Ғұламалар кеңесінің мүшесі, ф.ғ.к., доцент Р.Мухитдинов және Алматы қаласының мешіт имамдары қатысты. Семинарда институт директоры, ф.ғ.к. Төрәлі Қыдыр «Қазақ діни ағартушылары және терминдер жүйесі» тақырыбында баяндама жасап, «Рухани мұра» ғылыми жобасы негізінде атқарылып жатқан жұмыстарға тоқталды.
Дәстүрлі діни мектеп өкілдері – қазақ ағартушыларының жазба мұраларындағы ислам терминологиясының ерекшеліктерін талдап, олардың ұлт руханияты мен діни-теологиялық коммуникация кеңістігін қалыптастырудағы рөліне назар аударды. Сондай-ақ семинар барысында Институт ғылыми қызметкерлері «Рухани мұра» ғылыми жобасы аясы әзірлеген зерттеу еңбектері бойынша баяндама жасады.
Айта кетейік, жоба аясында осы уақытқа дейін онға жуық еңбек жарық көрген. Олардың қатарында Қ.Иассауи қолжазбаларынан бастап, А.Құнанбаев, Ы.Алтынсарин, М.Көпейұлы, Ш.Құдайбердіұлы, Ғ.Қараш, Мұхаммед-Шәріп ахун, И.Тілеуқабылұлы, Қ.Шаһмардан, К.Қаңтарұлы, М.Жұмашев сынды көрнекті ағартушы-ғалымдар мен дін қайраткерлерінің еңбектері бар. Аталған еңбектерде исламның негізгі қайнар көздері – Құран мен сүннетке сүйенген діни түсініктер мен ислам ғылымдарындағы негізгі терминологиялық жүйе кеңінен көрініс тапқан. Өз сөзінде ҚМДБ Ғұламалар кеңесінің мүшесі, ф.ғ.к. Р.Мухитдинов діни терминдердің ғылыми тұрғыдан дұрыс интерпретациялануының маңыздылығын атап өтіп, оларды біріздендіру қажеттігіне назар аударды. Сонымен қатар, алдағы уақытта діни терминологияны жүйелеуге бағытталған ортақ ғылыми-зерттеу жұмыстарын жүргізуге қызығушылық танытты.
Дереккөз: ИҒЗИ: ҒЫЛЫМИ СЕМИНАР ӨТТІ — igzi.kz
Тақырып бойынша жаңалықтар
Қызықты тақырыптар
Намаз уақыттары 
.jpg)
.jpg)
.jpg)
