Бас мүфти: «МҰНАРА» мұраты

04.11.2019 3 482 0

Қадірлі оқырман! Тәуекелге бел буып, төл газетімізді аштық. Қолыңызда – «Мұнараның» қанатқақты нөмірі. Тілеулес ниет танытып қойсаңыз болғаны.

Ойшыл Рудаки: «Өмір – теңіз, жүзем онда демеңіз, ізгіліктен жасалмаса кемеңіз», – демей ме? Мақсатымыз айқын: ақпарат кеңістігін ізгілікке толтыру. Рас, бүгінде адамның ой-пікірін бір арнаға бұруда бұқаралық ақпарат құралының маңызы артып келеді. Өйткені, болған оқиғаға әркім әр ракурстан қарайды. Оны өз деңгейінде қорытып, сараптайды.

Алайда, біз көп жағдайда ақпараттың бәрін ақиқат деп қабылдап, оны өзгеге тарата береді екенбіз. Ал Алла Тағала Құранда «Хужурат» сүресінде біреу хабар әкелсе, оны анықтауды, әйтпесе бір елге кесіріміз тиіп кететінін ескерткен. Бұл аят әуелі әр нәрсенің анық-қанығын біліп алуды үйретеді. «Мұнара» объективті ақпарат таратумен қатар, салт-дәстүр, тарих, білім, медицина, т.б. салалар бойынша ғалымдардың ізденістерін, зерттеу мақалаларын тұрақты түрде жариялайды. Өйткені, Ислам құлшылық пен тіршілікті үйлестіре отырып өмір сүруге үндейді.

Біз иман ұғымын «ұят болады, обал болады, сауап болады» деген бірауыз сөзге сыйдыра білген халықпыз. Ислам құндылықтарын қазақы таным-түсінік аясында насихаттау, бірлік пен ізгілікті ту ететін, елдің ертеңіне елеңдейтін ер-азаматтардың патриоттық сезімін ояту – «Мұнара»-ның басты мұраты.

Асыл дініміз адамды өткеннен өнеге алуға, бүгінмен өмір сүруге, болашаққа жоспар құруға шақырады. Ислам – өркениет діні. Ол ешқашан кертартпалыққа жол бермейді. Құран – әр адам баласының білім алып, ізденуіне жол ашатын, надандықтан, зұлымдықтан қашық болуға үйрететін, керісінше ілім мен өркениет жолына бастайтын Хақ кітап. Ислам – ешқашан ғасыр соңында қалмайтын, керісінше ғасырды, заманды алға жетелейтін дін. Төл газетіміздің ұстанымы осы: жастардың санасына сәуле шашу, рухани таным көкжиегін кеңейту.

«Мұнара» осы бағытта өз оқырманына құнды дүниелер ұсынбақ. Оқыңыз, ой түйіңіз!

Игі ниетпен,

Серікбай қажы ОРАЗ,

Қазақстан мұсылмандары діни басқармасының төрағасы, Бас мүфти

ДЕРЕККӨЗІ muftyat.kz

ҚМДБ ресми сайты

Оқырмандардың пікірі (0)

Қызықты тақырыптар

«Жусан: Оралу мен оңалу»

Qazaqstan ұлттық арнасы «Оралу мен оңалу» атты деректі фильмінің алғашқы бөлімін ұсынды.

04.11.2019 5 012 0

Діни кітаптарды қайдан алып жүрсіз? (ВИДЕО)

Діни әдебиетті және діни мазмұндағы өзге де материалдарды, діни мақсаттағы заттарды әкелуге, әзірлеуге, шығаруға, басып шығаруға және (немесе) таратуға болмайды. Бұл – ҚР Әкімшілік құқық бұзушылық туралы Кодексінің 490-бабы. Олай болмағанда, әкімшілік жауапкершілікке тартылып, жеке тұлғаларға – 50, ...

01.11.2019 4 033 0

Қарағандыда республикалық форум өтті

Қарағандыда «Зайырлылық қағидаттарын нығайту – экстремистік идеологияға қарсы іс-қимыл негізі» атты республикалық форум өтті.

30.10.2019 3 230 0

Нұр-Мүбарак: Имам Матуридидің «Китабу Таухид» еңбегі қазақ тілінде жарық көрмек

Кеше Нұр-Мүбарак университетінде «Орта Азия мұсылмандарының діни танымы мен матуридилік ілімі» атты ғылыми-тәжірибелік конференциясы өтті. Әбу Мансур әл-Матуридидің ислам ғылымдарының дамуына қосқан үлесі жайлы бүгінгі қоғам бейхабар. Ал қазіргі жат ағымдар «жырлап» жүрген таухид ілімін өз дәуірінде...

29.10.2019 4 381 0

5 1

Имамдар форумы «Ашық алаңда» талқыланды (ФОТО, ВИДЕО)

«Qazaqstan» Ұлттық телеарнасындағы «Ашық алаң» бағдарламасы кезекті шығарылымын Елордада өткен «Рухани құндылықтар – қоғам бірлігінің негізі» атты ІІІ республикалық имамдар форумына арнады. ...

28.10.2019 4 394 0

Ақтөбе облысында алтын киіммен жерленген сармат көсемінің қорғаны табылды (ФОТО)

Ақтөбе облысы Темір ауданының Тасқопа елді-мекенінің маңынан б.з.д. V ғасырда алтын киіммен жерленген сармат көсемінің қорғаны табылды. Бұл туралы өңір басшысы Оңдасын Оразалин мәлімдеді....

25.10.2019 5 987 0