Дәрістер топтамасы
Құран тәпсірінің 2-дәрісінде Қасиетті Құран Кәрімнің «әл-Құран», «әл-Фурқан», «әл-Китаб», «әз-Зикр» атаулары жөнінде сөз болады.
1. Әл-Құран. «(Мұхаммед ғ.с.) саған бұл Құранды уахи етуімізбен өзіңе қиссалардың ең жақсысын баян етеміз. Негізінде сен бұдан бұрын әрине хабарсыз едің», Жүсіп сүресінің 3-аяты.
2. Әл-Фурқан. Ақиқат пен жалғанды айырушы, бейбіт мағынасына саятын бұл сөз Құранда 6 орында кездеседі. «Күллі әлемге ескертуші болу үшін құлына Фурқанды түсірген Алла Тағала аса жоғары», Фурқан сүресінің 1-аяты.
3. Әл-Китаб. Бұл сөз Құранда 230 мәрте кездеседі. «Міне, осы Кітапта күдік жоқ, тақуалар үшін тура жол көрсетуші», Бақара сүресінің 2-аяты.
4. Әз-Зикр. «Шын мәнінде Біз Зікірді (Құранды) түсірдік және шын мәнінде Біз оны сақтаймыз», Хижр сүресінің 9-аяты.
Құранның бұдан бөлек Нұр, Мубин («Расында, сендерге Алладан нұр және «мубин» ашық кітап келді», Мәида сүресінің 15-аяты), Кәләм, Һуда, Рахмет, Шифа, Тәнзил, Уахи, Баян, Хақ, Адл, Бушра, Қасас, Азиз, Хикмәт, Хаблуллаһ, Рух, Муһәймин, Қайим, Бәләғ сынды атаулары бар.
Azan.kz
