Бас мүфти ұстазына құрмет көрсетті (ФОТО)

13.02.2020 4 024 0

Кеше ҚМДБ Төрағасы, Бас мүфти Наурызбай қажы Тағанұлы Алматыға іссапар аясында өзінің ұлағатты ұстазы, Діни басқарманың тұңғыш тізгінін ұстаған Рәтбек қажы Нысанбайұлына арнайы барып сәлем берді.

Рәтбек қажы Нысанбайұлы шәкіртін ілтипатпен қарсы алды. Екеуара кездесу барысында тоқсаныншы жылдардағы еліміздегі Ислам мектебінің қайта қалыптасу кезеңі, жаңа мыңжылдықтағы өзгерістер мен бүгінгі бет бейнесі әңгімеге арқау болды.

«Ештеңе оңайлықпен келген жоқ. Тәуелсіз Қазақстанның әр жерінде жаңа мешіт ашумен қатар, елді діни сауаттандыру жұмыстары да қиынға соқты. Бірақ имамдарымыз сол бір ауыр жолдың азабын бірге көтерді. Өзіңді білім алып келген соң, шәкіртім деп қабылдап қаймағы бұзылмаған қалың қазақтың арасына жібердім. Артқан үмітті ақтадың. Енді міне, Алланың қалауымен биікке жеттің. Осы қызметте де абыройлы бол!» деп ағынан жарылған Рәтбек қажы Наурызбай қажы Тағанұлына ақ батасын берді.

Бас мүфти ұсынысымен Діни басқарма жанынан құрылатын Ақсақалдар алқасына Рәтбек қажы да мүше боп қосылатынын жеткізді.

Кездесу соңында ҚМДБ Төрағасы ұстазына құрметі үшін алғыс айтып, қазақтың дәстүріне сай сый-сияпат көрсетті. Рәтбек қажының иығына шапан жауып, Діни басқарманың 30 жылдығына орай дайындалған кәдесый тарту етті.

ДЕРЕККӨЗІ muftyat.kz

ҚМДБ ресми сайты

Оқырмандардың пікірі (0)

Қызықты тақырыптар

Бас мүфти төрағалығымен Орталық аппарат жиналысы өтті (ФОТО)

Бүгін Елордада Бас мүфти Наурызбай қажы Тағанұлының төрағалығымен Қазақстан мұсылмандары діни басқармасының Орталық аппарат жиналысы өтті. Жиналысқа ҚМДБ Төрағасының орынбасары Ершат Ағыбайұлы, ҚМДБ Аппарат басшысы Ғылымбек Мәжиев, сонымен қатар бөлім меңгерушілері мен мамандар қатысты....

11.02.2020 3 440 0

Бас мүфти төралқа мәжілісін өткізді (ФОТО)

Қазақстан мұсылмандары діни басқармасының төрағасы Наурызбай қажы Тағанұлы Елордада Төралқа мәжілісін өткізді. Жиынға ҚМДБ төраға орынбасары Ершат Ағыбайұлы, ҚМДБ Аппарат басшысы Ғылымбек Мәжиев, ҚМДБ бөлім басшылары мен облыс, қала бас имамдары қатысты....

11.02.2020 3 358 0

Мәскеу мүфтиі Наурызбай қажы Тағанұлын құттықтады

Мәскеу мүфтиі, Ресей мұсылмандары діни ассамблеясының жетекшісі, Ресей Федерациясы Қоғамдық палатасының мүшесі Альбир Хазрат Крганов Бас мүфти Наурызбай қажы Тағанұлына құттықтау хат жолдады....

10.02.2020 2 868 0

1 1

Мемлекет басшысы Қ.К.Тоқаев Жамбыл олбысындағы оқыс оқиғаға байланысты мәлімдеме жасады

Құрметті қазақстандықтар! Бүгін түнде Жамбыл облысы Қордай ауданында жергілікті тұрғындар арасында жаппай төбелес, жанжал болды. Бұл ахуалды арандатушылар өз мақсатына пайдаланды. Өкінішке қарай, бұл оқиға кезінде адам шығыны болды. Мен қаза болған азаматтардың отбасыларына көңіл айтамын. Зардап шек...

08.02.2020 3 964 0

ҚМДБ: ҚОҒАМДЫҚ ТЫНЫШТЫҚ - АСА МАҢЫЗДЫ ҚҰНДЫЛЫҚ

Жамбыл облысы Масанчи ауылындағы келеңсіз жағдай бізді де алаңдатып отыр. Мұсылман баласының мәселенің анық-қанығын білместен, дауға араласып, өз бауырына зарар тигізуі дұрыс емес. Азаматтарымызды ортақ ымыраға шақырамыз. Жекелеген адамның өзара келіспеушілігі бұқаралық сипат алып кетпеуі керек деп ...

08.02.2020 3 684 0

ҚМДБ: Құрылтай үндеу жолдады

Бүгін Елордада өткен Қазақстан мұсылмандарының кезектен тыс ІХ Құрылтайы соңында жиынның Үндеуі оқылды. Үндеуді ҚМДБ Насихат және қоғаммен байланыс бөлімінің басшысы Батыржан қажы Мансұров оқып берді....

07.02.2020 3 941 0